UOE a Nimes
Pichon retorn sus la 45a UOE (Universitat Occitana d’Estiu)
Se debanèt del 10 al 13 de julhet 2021, a Nimes. Un fòrça bon programa fargat per la MARPOC e l’IEO 30.
Un grand mercé als organisators : Miquèla e Patric Lapierre, Estèla Mazodier, Marineta Mazoyer, la còla dels benevòls, e totes los autres…
Lo tèma aquesta annada :
« Òme/animal, quinas evolucions dins las relacions ? ».
Tre la debuta, una presentacion de las vidèos del concors « Escolans »
Vos presenti dos filmòts :
La 1èr : La transformacion de Cavalet/Calandreta Aimat Serre GS/CP/
Bon visionatge ! Pensi que passaretz un bon moment !
Trantalhetz pas per far de retorns, dins Comentaris, que los tornarai al regent de lor escòla.
Ligam per la vidèo :
Clic sus la fòto de Cavalet.
Lo 2d : « Dracon » CM
Adaptacion/mesa en scèna d’aprèp lo libre : « lo filh del Drac »
Ligam per la videò :
Clic sus la fòto del Dracon.
- Cada jorn : conferéncias, taulas redondas,
- Qualques cabarets literaris,
- De seradas : film, concèrts, un balèti,
- De moments d’escambis a l’entorn d’aperitius,
La presencia de Ràdio lengadoc :
A l’ora de l’emission : « L’ombreta d’estiu », tre 10 oras, fins a 12 oras e mièja, amb un fum de convidats.
https://radiolengadoc.com/l-ombreta-d-estiu-2021-07-13/
Aqueste UOE ? Un programa talament ric que vos pòdi pas tot dire…
Veire lo retorn sul siti de la MARPOC /
https://www.ieo30.org/marpoc/
E per acabar, lo darrièr ser :
Amb lo grop Canto-lou, de cants per dançar : de cercles, de borrèias, d’escotiches, de rigodons, farandòla, mazurka, rondèu, …eca, eca…
Foguèt un brave moment, per clavar la setmana dins lo cant, la musica e la jòia !
Èra agradiu de tornar trobar Joan-Noel Pelen, amb una autra casqueta. En efièch es tanben : etnològ-escrivan.
Sa conferéncia de la tantossada èra : « Le rapport entre les sociétés rurales traditionnelles et le sauvage enchanté »
Un bonur. Un sol regret per la conferéncia : tròp corteta !…mas la setmana tanben !
Per perlongar ? e completar ?
- Legir sos libres…
- Una vidèo de tèvéòc , sus Canto-lou e son capmestre :
https://www.youtube.com/watch?v=ZI2ylAC-skc - Un article del Jornalet del 16 de mai 2019 :
« Dins l’encastre de la manifestacion « Boulegan à l’oustal », un festenau de musicas trad, avèm rescontrat a Sant Joan de Gardonenca l’etnològ e conferencièr Joan-Nadau Pelen. Aquel especialista de la literatura orala en domèni occitan i presentèt una conferéncia sus lo subjècte seguent : « L’art ancian dau cant per la dança ai sègles XVIII e XIX en Cevenas ». Quauquei tròç de sa conferéncia, apuejats per una entrevista en lenga nòstra, vos permetràn de mièlhs comprene son trabalh etnologic. Lo tot, entre-copat de tròç filmats pendent lo « bal a la votz » prepausat per lo grop « Canto-lou », que nòstre conferencièr ne fai partida e qu’es la continuitat d’una tradicion vocala pron anciana. Un reportatge de Miquèla e Patric Lapierre. »