Jòcs – Escambis en òc

Escapa!

Jean-Pierre — Thu, 14 May 2026 10:22:35 +0000

Escapa, la vaquí qu’arriva l’ardida ardada arsinada de sang, lo fum volastrejaire se’n ven en eissamada nos zonzonejar als ausidors e nos tartugar del fisson! Pièger qu’en parçan palunenc de Ventre-blaus*, s’es començat l’agarriment de la moissalinada, en invasion generalizada, per far empache de nos gausar gausir d’un momenton a bon aire! S’aparar d’aqueles chucaires pegoses es escomesa de mal complir. Es qu’al revertar d’un abelhaire, se cal cargar una burqà mosquatièra integrala a la semblança d’un Barbà-Papà, o tal...

Lire la suite Lire la suite

Fañch d’una!

Jean-Pierre — Fri, 13 Mar 2026 17:54:47 +0000

Ò fant de luna, ò fant de lop, ò fant de chichorla, ne vos sètz avisats d’aquela? D’ara enlà la justicia empacharà pas cap l’utilizacion de la tilda coma dins aquel pichòt nom breton de Fañch. La cort d’apèl de Rennes o autorizèt de faire, e per encombrar pas las juridiccions, lo ministre demandèt d’abandonar las perseguidas dins aquelas garrolhas ortograficas. Un projecte de lei, pel moment a l’espèra, foguèt estat depausat en 2025 per metre fin a aquelas discriminacions...

Lire la suite Lire la suite

Los Jòcs erotics de 2026

Jean-Pierre — Fri, 20 Feb 2026 09:25:50 +0000

Ne vos sètz avisats d’aquela? Pendent los jòcs olimpics de Milan-Cortina de 2026 los organizators socitoses del benaise de tota aquela joinessa esportiva, la flor de la disciplina, lor balhèron a posita milierats de preservatius! Los 10 000 que lor porgiguèron foguèron estats manlevats en tres jorns. ( a Paris pendent los jòcs de 2024 n’i aguèt 300 000, siá 2 per cadun per cada jorn). Quant dison? Saique colhonan? Es que vòl dire qu’a despart de las competicions oficialas...

Lire la suite Lire la suite

Devinalha 2510

Jean-Pierre — Tue, 30 Sep 2025 13:01:37 +0000

De qu’es aquò Camp blanc semenat de negreTres buòs butan la relha.Atal comencèt l’istòria! tirat de « En occitan dans le texte » pagina 34 Avètz pro manjat de favas? Per la solucion clicar sus: solucion

Devinalha 2509

Jean-Pierre — Wed, 27 Aug 2025 09:25:06 +0000

De qu’es aquò de la dintrada. Virolet, viroletaI son tres sorretasDins l’enclausit d’una boitetaQu’i fan a trapetaE s’acotisson a l’estrech.Mas pas una d’aquelas pauretasDe s’agantar ne capita l’esplech.Viroleta, virolet. Pichòta ajuda per la dintrada: De còps qu’i a aquelas tresson pas que doas e mai mai d’autres còps n’i pas cap.Ajuda de l’ajuda: çò que donan es a còsta non res. Avètz pro manjat de favas? Per la solucion clicar sus: solucion

Devinalha 2508

Jean-Pierre — Fri, 08 Aug 2025 16:14:02 +0000

De qu’es aquò? Boca badanta e cuòl petitEngolís larg e caga prim. Avètz pro manjat de favas? Per la solucion clicar sus: solucion

Devinalha 2507

Jean-Pierre — Mon, 28 Jul 2025 15:55:41 +0000

De qu’es aquò? Quinas son aquelas vint que sonNi granas, ni plantas, ni plançonsQue sens aiga de longa creisson? Avètz pro manjat de favas? Per la solucion clicar sus: solucion

A dançar (seguida e fin)

Jean-Pierre — Sat, 28 Jun 2025 16:01:20 +0000

Saique las avètz trapadas solets la seguida e la fin d’aqueles emissions podcast de modal sus las musicas e danças trad o fòlk?En cas que non, çai seguent lo ligam: « Les strates du bal »Las danças e musicas tradicionalas s’en manca que demoresson passadissas, al contra cambian e evoluïsson. Soi pas un crane dançaire, ni tanpauc un grand coneisseire d’aquelas causas, mas vos pòdi dire qu’a cada còp qu’ai l’escasença d’i anar dançar i passi un tras que bon moment, dins...

Lire la suite Lire la suite

Devinalha 2505

Jean-Pierre — Mon, 26 May 2025 07:30:01 +0000

De qu’es aquò? Cap sens cervèlaCòl sens gargamèlaVentre sens budèlaE cuòl sens reganèla. Avètz pro manjat de favas? Per la solucion clicar sus: solucion

Devinalha 2504

Jean-Pierre — Tue, 08 Apr 2025 18:29:13 +0000

De qu’es aquò? Dins un escur cantonAl pastador fa lo siestonE rond coma un pè d’egaCent sestièr de blat leva. Avètz pro manjat de favas? Per la solucion clicar sus: solucion