Jean-Pierre – Escambis en òc

Tèxtes de Junh/ lo mot: desrovilhar.

Jean-Pierre — Fri, 03 Jul 2026 13:09:00 +0000

L’amor de Moneta. (Joan-Peire) O cal ben dire la desobrança ivernala l’aviá facha venir raplòta. D’oradas jornalièras passadas sul radassièr se’n èra perduda son lestitge, son abeluc costumièr e son vam ferotge. Quand li petava, a grand pena s’estirava los nosadors per se desenreddesir las jonchuras e s’enanava, molassa, se far rabinar la codena amolonada al canton. Puèi, quand veniá l’ora del tian, un còp engolit lo farnat, se’n tornava pesuda sul radassièr. Aital se passava plan-planeta la vida, pastassa,...

Lire la suite Lire la suite

Los mots pels talhièrs d’escritura venents

Jean-Pierre — Sun, 31 May 2026 16:50:20 +0000

Rampèl, per Junh : desrovilharPer Julhet : s’apomelarPer Agost : se congostar S’agís de fargar un tèxt jos la fòrma que vos interèssa lo mai : pròsa, poèma, teatre, asenada, devinalha,…Un bon biais per trabalhar la lenga.

Escapa!

Jean-Pierre — Thu, 14 May 2026 10:22:35 +0000

Escapa, la vaquí qu’arriva l’ardida ardada arsinada de sang, lo fum volastrejaire se’n ven en eissamada nos zonzonejar als ausidors e nos tartugar del fisson! Pièger qu’en parçan palunenc de Ventre-blaus*, s’es començat l’agarriment de la moissalinada, en invasion generalizada, per far empache de nos gausar gausir d’un momenton a bon aire! S’aparar d’aqueles chucaires pegoses es escomesa de mal complir. Es qu’al revertar d’un abelhaire, se cal cargar una burqà mosquatièra integrala a la semblança d’un Barbà-Papà, o tal...

Lire la suite Lire la suite

Vai te’n cagar a la vinha!

Jean-Pierre — Fri, 24 Apr 2026 19:11:22 +0000

Dempuèi l’an pebre l’òme se n’es mainat, una tèrra plan abonida fa venir lo grèlh bèl. Las excrecions naturalas del bestiar o umanas son de bon emplec per çò far. D’aquelas matièras agricultors e ortalhièrs d’un còp èra tant coma las/ los d’ara ne sabon lo prètz! Me rementi que i a gaire, dins lo vilatge se fintava lo moment de l’escobilhaire quand passava de matin per recaptar las bordilhas, lo tombarèl tirassat per lo caval de tira. Se per...

Lire la suite Lire la suite

Tèxtes de Març: chòt

Jean-Pierre — Sat, 28 Mar 2026 12:32:38 +0000

Chòt (Haïku : Aicó : Cristina)Chòt, bola de nuòch,Mon sòmi ritma cada an,L’estiu de son cant. Chòt banut (Joan-Peire)Chòt banut es pas pesolh revengut, Tanpauc piòt ni mai cocut! Lo chòt (Sèrgi V.)Dels estius de mon enfança gardi lo sovenir urós de mas seradas vilatgesas. Mentre que nosautres mainatges jogàvem sus la placeta, nòstras maires discutissián assetadas suls paredons. Nòstres paires s’acivadavan a la petanca e nòstres adolescents de grands fraires e grandas sòrres desapareissián e reapareissián furtivament. Puèi, la...

Lire la suite Lire la suite

Fañch d’una!

Jean-Pierre — Fri, 13 Mar 2026 17:54:47 +0000

Ò fant de luna, ò fant de lop, ò fant de chichorla, ne vos sètz avisats d’aquela? D’ara enlà la justicia empacharà pas cap l’utilizacion de la tilda coma dins aquel pichòt nom breton de Fañch. La cort d’apèl de Rennes o autorizèt de faire, e per encombrar pas las juridiccions, lo ministre demandèt d’abandonar las perseguidas dins aquelas garrolhas ortograficas. Un projecte de lei, pel moment a l’espèra, foguèt estat depausat en 2025 per metre fin a aquelas discriminacions...

Lire la suite Lire la suite

Los Jòcs erotics de 2026

Jean-Pierre — Fri, 20 Feb 2026 09:25:50 +0000

Ne vos sètz avisats d’aquela? Pendent los jòcs olimpics de Milan-Cortina de 2026 los organizators socitoses del benaise de tota aquela joinessa esportiva, la flor de la disciplina, lor balhèron a posita milierats de preservatius! Los 10 000 que lor porgiguèron foguèron estats manlevats en tres jorns. ( a Paris pendent los jòcs de 2024 n’i aguèt 300 000, siá 2 per cadun per cada jorn). Quant dison? Saique colhonan? Es que vòl dire qu’a despart de las competicions oficialas...

Lire la suite Lire la suite

Tèxtes de Genièr

Jean-Pierre — Sun, 01 Feb 2026 19:51:28 +0000

lo mot: vistalha Vistalha dins lo corredor (Cristina)Odor de sopa,Vistalha lo corredor,Perfum d’enfancia. Borbolh d’aiga,Clic-clac de molineta,Molon de sentors. Flash dins lo passat,Mameta plan clinada,La sopa passa. La demanda (Joan-Peire) Èri dintrat d’ora per m’alestir en çò mieu, un conapt de classe 4, que la renda me costava un braç dins aquel immòble. Una docha a la lèsta, me pimpalhèri dins la sala de banh, n’i aviá una dins los de la classe 4, e me metèri de bèl per...

Lire la suite Lire la suite

Omenatge

Jean-Pierre — Thu, 29 Jan 2026 15:34:16 +0000

A Maria Roanet e a los/las que nos fan aimar la lenga A qui lo vòl prene per lo levar parièrDaissan lo brandon los cranes davancièrsD’una lenga vesiada portaires primièrsNon seretz pas mai mòrts tant qu’auretz d’eretièrs.

La migracion de la Cigala

Jean-Pierre — Thu, 15 Jan 2026 13:50:31 +0000

La calibomba tomba sus la pineda muda, la nolença flairejanta de peresina emplena lo caumàs silenciós, s’i poiriá ausir lo volar d’un moissal (un moissal tigre solide). Pas brica de bronzinament volastrejaire, pas ges de bruch, pas cap de vida, lo non res d’un tombèu. O avètz compres, pegada sus la fusta cigalièra, manca dins aquel decòr mièg mediterranèu, lo crin-crin eissordant de la cantaira estivenca. Babau ! Sembla una maissanta cachavièlha. Agantada a la rusca d’un pin-pinièr, pas cap de...

Lire la suite Lire la suite