Quand lo quicomet de la COVID nos enquiquinava pas encara lo Lòto èra un grand moment de convivencia. A n’aquela escasença se fasiá petar la lenga nòstra quand lo que nomenava o fasiá en Occitan.
Un: es tot sol; tres: la carga i es; quatre la man del fustièr e coma aquò tota la partida. I respondián los jogaires : « E collèga bolega! Vai lo quèrre » eca…Trobarètz çai dejós dos ligams per n’en saupre mai sul biais de dire.
Lo Lòto : recueil de mots et expressions pour animer un loto ou quine en occitan · Occitanica, Portal collectiu de la lenga e de la cultura occitanas
Avise, le loto (renedomergue.com)

Una amiga afogada d’aquel jòc me contèt l’istòria seguenta:
La sala èra cofla de mond, lo que nomenava comencèt sa litania. « Quina venenta un piòt e sa piòta, commençam! Las cambas de ma grand : onze » Cabussava la man dins la saqueta; « La cogorda : uèit »; « l’òme fòrt: quatòrze ». Dins un canton un òme fasiá pas que de tossir, e tossissiá gras. « Los gavaches: dotze ». Al cap d’un moment se faguèt ausir un « monta-lo! » per un o una que li mancava pas qu’un numèro. Tre d’aqueste moment un bon nomenaire fa durar lo plasèr. Cabussar lentament la man, bolegar, esperar un momenton: « Quarrrranteeee doos! » En reponsa « ò fan d’una!!! » E lo que nomenava :  » Quatreeee vingt nòu: la mameta ». « Vai lo quèrre » faguèt un autre, ara èran dos d’esperar benlèu lo meteis numéro per ganhar, dins aqueste cas èra de costuma de partejar lo lòt. L’òme dins son canton tossissiá mai que mai, e de mai en mai gras, que deviá li far lo monta-davala dins la garganta. « Las doas cacauètas: ochenta-uèit….non pas encara, atencion mèfi vaqui lo ganhant ». E l’òme tossisses que tossiràs se rasclava la garganta sens capitar de se levar la rausa del davalador, quand s’escalassèt lo mond d’ausir dire un qu’esperava: »E monta-lo que lo partejarem! »
Aquò va sens dire que dich en lenga nòstra tròbi aquela istorieta fòrça saborosa. Per malastre devèm encara esperar per nos amassar e jogar al lòto. Òc bèn, mas podèm jogar en linha. Los amics de la Baragonha vos fan conèisser que se debanarà lo divendres 9 d’Abriu una partida sus la rantèla.

Tout se fait de chez soi :  Achat, réception et impression des cartons, jeu en direct de sa propre maison. 
Tout cela paraît compliqué, mais en fait c’est très simple…
Un ordinateur comme moyen de communication permet de garder une totale interactivité entre l’animateur et les joueurs.Un lien internet vous est proposé pour acheter vos cartons, pour la date que vous voulez. Vous recevez par mail vos cartons à imprimer. (planche)Le jour du loto,  une 1/2h avant, un lien vous sera envoyé,  vous vous connectez. Lien ZOOM:https://yurplan.com/event/LA-NUIT-DU-LOTO-LA-BARAGOGNE-09-04-2021/66801?fbclid=IwAR1NZe-CAUTn-Byh3gMaqiMkLFma-UXJl0MVGDD634rSoICMM4jQA21QmbM#/

Bon astre
Joan-Peire