Total Festum festejèt
En aqueste fin de prima es un espetament, un beluguejament d’eveniments festius que nos foguèron provesits. Dins nostre agre ja l’ai dich sèm favats.
Dins l’encastre de Total Festum aquò comencèt lo 21 de Mai per una passejada a Sant Bausèli de Montmèl e una serada de concèrts.
L’associacion lo Terrairòl nos prepausèt lo 07 de Junh « N’i a pro ». Ne traparetz çai aprèp lo ligam de l’associacion: Terrairòls
Aquel espectacle conta la lucha dels vinhairons dins las annadas setantas que s’acabèt en 1976 pel drama de Montredon dins Aude. Un moment d’emocion, de rire que nos faguèt venir de còps la larmeta.
Puèi son los amics de la Baragonha que contunhèron lo 9 de Juhn per un cafè òc sus los noms de carrièras de Sant Cristòu. Ne traparètz çai aprèp lo ligam de l’associacion:
Los Amics de la Baragonha
Seguiguèron una serada de concèrts lo 18 de Juhn amb Pòplite, Mauresca e lo 23 de Junh amb lo fuòc de Sant Joan.
Los 24, 25 e 26 de Junh se tenguèron los Rencontres de Salinèles organizats per las edicions « L’aucèu Libre ». Ne traparètz çai aprèp lo ligam: L’aucèu Libre
Lo 24 de ser cants Sefarades dins la capeleta de Sant Julien. Lo 25 de matin lo genre de la novèla al lavador, la tantossada siesta poetica, contes. Lo ser concèrt del còr de la plana.
Lo 26 de matin conferéncias e una taula redonda a l’entorn de « Venir a la Lenga » que ne traparetz çai aprèp lo reportatge registrat per TVòc.
Una dimenjada rica e qualitadosa a l’entorn de la literatura e de la lenga nòstra.
I a encara d’eveniments de venir pel mes de Julhet:
Lo 2 del mes de Julhet poiretz agachar a Sant Cristòu (Erau) lo filmòt sus la Baragonha, se vos fa enveja poiretz crompar lo filmòt per 20€:
Dimenjada a l’entorn del Teatre
Lo 9 del mes de Julhet la corala de Sant Bausèli fa de concerts amb de coralas Catalanas: Concèrts del 9 de Julhet
Del 8 de Julhet al 12 de Julhet l’Universita Occitana d’Estiu de Nimes; del 21 al 23 de Julhet las estivadas de Rodés, del 14 al 20 de Agost l’Escòla Occitana d’Estiu a Vilanòva d’Òlt.
De veire lo Calendièr amb lo ligam: Calendièr
E benlèu d’autres de far. Grand mercé a n’aquelas associacions e als organizators, e bon estiu a totas e totes!