Article e fòtos de Alan Lloria*. Mercé a el.
« Òc, cada annada es la tradicion en pichòta Camarga de Lunèl a Saussines, del Cailar a Sant Laurenç d’Aigose, en passant per Genenac, Vergese, Aigasvivas, Gallargues, Aimargues … al moment de las vòtas, los joves del comitat de las fèstas passan d’ostal en ostal, a grand bruch, en musicant (o vendent lo fougasset) per recoltar de monedas, quauques dardenas (sòus) … per s’empegar !! . En reconeissença d’una participacion, apausan sus la paret de l’ostal qu’a balhat, un dessenh a l’estampon (empega) qu’onora l’annada de la classa. Es una fiertat pels abitants*. Aquela tradicion remontariá a la celebracion pagana de la joventut, un sovenir tanben del servici militar obligatòri amb la conscripcion a 18 ans »
* pròva que que son pas cussons ! (Preuve qu’ils ne sont pas radins !)
Diaporama : 10 fòtos, çai-dejós

Fotò 1 : La Bovina, ensemble dei gents afogats (passionnés) dei tradicions camarguencas. La fe dei buòus
Fotò 2 : L’arlatenca
Fotò 3 : Empega CL = Classe 2022 – Generac (30)
Fotò 4 : Lo Marquis d’Aubais (CL 2015) Mistral FM (CL 2016)
Fotò 5 : Lo cròc de metau de 4 brancas que servís au rasetaire per levar leis atributs plaçats sus lei banas (cornes) dau buòu
Fotò 6 : Lo Cailar. VLJ = Viù Lo Joven 2018 (Vive la Jeunesse)
Fotò 7 : Aigasvivas (Aigues-Vives)
Fotò 8 : La crotz de Camarga que simbolisa la caritat per lo còr (Cœur), la fe per la crotz ame 3 ficheirons (la croix avec 3 tridents) e l’esperança per l’ancora/lo fèrre (l’ancre)
Fotò 9 : Lo buòu (biòu) e lo chivau camargués
Fotò 10 : Bar « La Renaissança » a AUBAIS (Aubaï-Mème). Colleccion realizada a partir dels estampons conservats dempuèi 1946 per Ives Martin, ferratièr (ferronnier) a Aubaï
Fotò 11 : Aubaï-Mèma, la crotz occitana e lo garri Mickey

---

*Alan Lloria s’ocupa d’una pagina facebook, en occitan.
Ne vaquí lo ligam : « la còla de las istòrias en òc » :

https://facebook.com/groups/723277998812782/