Visita a l’ostal del Botis, a Calvisson, dins Gard.
![](https://escambisenoc.org/wp-content/uploads/2024/06/panel.jpg)
Musèu/talhièr (Tradicion de la brodariá al botis *, e dels arts del picatge)
Es una associacion (les Cordelles), e sa Presidenta Francine Nicolle, ajudada per la Municipalitat que son a l’origina d’aqueste Musèu.
Soi anada visitar aqueste musèu per tornar servici a una amiga, que lor voliá donar una rauba de naissença, que li veniá de sa familha. Datava de sa rèiregrand.
Los motius del botis parlan de las vendemias, las culhidas, la religion, eca…Los simbòls : rasims, blat, flors…representan abondància e prosperitat.
Es una polida aventura umana de transmission, per d’estagis de formacion, de mòstras, eca…
Aqueste musèu es una pepita vertadièra.
D’en primièr es una cabussada dins lo passat. Tre la dintrada i aviá una dóna que fasiá de botis. Aviá un tamborin e du clucas amb de lópias.
Nos expliquèt :
Lo botis es una brodariá del dedins que bota de relèu e de la transparéncia a doas estòfas superpausadas, cosudas amassa a pichons ponches, a man, en seguissent lo contorn de motius dessenhats
Lo relèu s’obten en introdusent sul revèrs, de cordonetas de coton per botis, entre las doas espessors de teissut, a l’interior de cada motiu. S’executa generalament sus de batistas : doas telas de coton blanc, prims. (Lo trabalh del botis « vermiculé », es encara mai prim)
Ai comprés unicament en la vesent far, qu’es pas aisit de comprene
![](https://escambisenoc.org/wp-content/uploads/2024/06/demo.jpg)
La visita debuta pels Petassons : Carrats ont se depausèt lo nenon per sa presentacion.
![](https://escambisenoc.org/wp-content/uploads/2024/06/20240531_164752-666x1024.jpg)
Çò que m’espantèt lo mai :
Una reproduccion d’un botis gigant del sègle XIV, que se tròba en Anglatèrra. Representa l’istòria de Tristan e Isèut.
Aquesta tentura de 3,50m x3,50 m necessitèt 6800 oras de trabalh per 40 personas, pendent 3 ans e mièg !
Una polita aventura umana facha d’encontras, de trabalh cooperatiu e d’exposicions, en França en Italia/Florença, en Anglatèrra e en America (EU).
La visita se contunhèt per d’òbras ancianas, de joventas de 9 ans : al punt de crotz. D’abecedaris.
E dins d’autras salas diferentas :
- Cambra, lichariás, cobèrtas emborradas (« piqué marseillais » *), una breçòla de nenon amb una presentacion d’una longa ròba de batisma amb la boneta.
- De cotillons de maridada, fòrça polits !
- Dins la botiga : De teissuts al metratge :
« indianas », d’après de motius de raubas ancianas que se troban dins lo museu, imprimits amb de sagèls.
Lo botis es un art dels sègles XVIII e XIX, en Provença e en Lengadoc. - Vos recomandi aquesta visita…
- Informacions sus lor siti :
- https://la-maison-du-boutis.fr/
- *1 Boutis, piqué marseillais, indiennages,
- https://la-maison-du-boutis.fr/le-boutis/#!/le-pique-marseillais
- 2 Estagis prepausats :
- https://la-maison-du-boutis.fr/les-stages/
- 3 Exposicion :
- https://la-maison-du-boutis.fr/nos-actualites/
- L’association « Les Cordelles Boutis en Vaunage » organise les 27-28 et 29 septembre 2024 leur traditionnelle Fête du Boutis à Calvisson (Gard) au foyer communal et au Musée du Boutis.
- 4 Botiga :
- https://la-maison-du-boutis.fr/la-boutique/
2 réflexions sur « Visita a l’ostal del Botis, a Calvisson, dins Gard. »
Ont es Calvisson
Calvisson es dins Gard.
Pas tròp luènh de Somèires.