Lo mot es quimèra

Frasas celèbras sus las quimèras (reviradas per Josie)
Source :  https://www.mon-poeme.fr/citations-chimere/
Bien des hommes seraient moins malheureux s’ils se contentaient d’améliorer leur position sans rêver un bonheur chimérique.Samuel Johnson – Les pensées inédites et diverses (1784)
Plan d’òmes serián mens maluroses si se contentavan de melhorar lor posicion sens somiar a un astre quimeric. Samuel Johnson – Las pensadas ineditas e divèrsas (1784)

Il est nécessaire de se tenir en garde contre l’imagination ; elle nuit presque toujours au jugement et à la mémoire. Par elle, les chimères remplacent les réalités et trop souvent nous entraînent d’erreur en erreur, de folie en folie, jusqu’à notre ruine totale. Goswin de Stassart – Les pensées et maximes (1780-1854)
Es necessari de se tenir en garda contra l’imaginacion ; pòrta tòrt gaireben totjorn al jutjament e a la memòria. Per ela, las quimèras remplaçan las realitats e tròp sovent nos entrainan d’error en error, de foliá en foliá, fins a nòstra roïna totala.  Goswin de Stassart – Las pensadas e maximas (1780-1854)

Les femmes ne voient dans les choses que ce qu’il y a réellement ; les hommes, sous le coup de leurs passions excitées, grossissent les objets, et ils se peignent des chimères. Arthur Schopenhauer – Les aphorismes sur la sagesse dans la vie (1886)
Las femnas veson dins las causas sonque çò que i a realament ; los òmes, jos lo còp de lors passions excitadas, grossisson los objèctes, e se pintran de quimèras. Arthur Schopenhauer – Los aforismes sus la saviesa dins la vida (1886)

Le bonheur n’est pas une chimère, lorsqu’on le cherche dans son propre intérieur, et non hors de soi. Il faut, pour le trouver n’avoir aucun reproche à se faire, et voir les défauts et les vices des hommes, sans leur en vouloir plus de mal.Jean-Jacques Rousseau – Les pensées d’un esprit droit (1826)
Lo bonaür es pas una quimèra, quand lo cercam en se, e non fòra de se. Cal per lo trobar, aver pas cap de repròches de se far, e veire los defauts e los vices dels òmes, sens ne lor voler mai de mal.  Jean-Jacques Rousseau – Las pensadas d’un esperit drech (1826)

Combien d’hypothèses qui deviennent des chimères, aussitôt qu’elles passent du domaine des raisonnements pour entrer dans le domaine des faits ! Emile de Girardin – Les pensées et maximes (1867)
Quantas ipotèsis que venon de las quimèras, tre que passan del domeni dels rasonaments per dintrar dins lo domeni dels faches.  Emile de Girardin – Las pensadas e maximas (1867)

C’est en poursuivant des chimères que l’homme a souvent réalisé des progrès qu’il ne cherchait pas. Gustave Le Bon – Les aphorismes du temps présent (1913)
Es en perseguissent de quimèras que l’òme a sovent realisat de progrèsses que cercava pas. Gustave Le Bon – Los aforismas del temps present (1913)
…………………………………………………………………………………………………………………………………………………
Cal creire a las quimèras ? (Cristina)
Dins la mitologia grèca, la quimèra es un animal imaginari, compausat de tres animals diferents : cap de leon, còrs de cabra e coa de sèrp. Al nivèl simbolic es fòrça interessant aqueste simbolisacion de la vida a tres moments diferents, (pubertat, maturitat e menopausa), e de la natura, segon las sasons, …
Segon la legenda, la quimèra  foguèt tuada per Bellerophon montat sus son caval ailat : Pegase.
Plutarca ne dona una autra interpretacion.
Ne vaquí un pichon còp d’uèlh :

« Plutarque¹⁵, dans Les Lyciennes reprend à son compte le texte de Palaiphatos en y ajoutant toutefois une modification personnelle : la Chimère n’est plus évoquée sous l’aspect d’un lion et d’un serpent vivant sur une terre d’où jaillissait du feu, mais par le biais du navire de Chimarrhos (dont le nom fait écho à celui de la Chimère), un guerrier cruel et inhumain à la solde d’Amisodaros. Les emblèmes étaient un lion à la proue et à la poupe, un dragon. » (wikipédia)

Dempuèi l’antiquitat, totes aquestes animals imaginaris* nos interpelan, nos fan somiar, pantaissar…I a d’istòrias meravilhosas sus cadun d’eles !
*Minotaure, grifon, baselic, tarascas, stryges, …
Mas a l’ora d’ara ont los clòns dintran dins la nòstra vida…Marcamal se passeja : la petega nos poiriá prene, coma dins lo film de « l’iscla del doctor Moreau » : un doctor completament caluc !
Méfi que l’imaginari se faga pas realitat !    
Ai pas tròp enveja d’encontrar la Quimèra sul trepador de mon vilatge !
………………………………………………………………………………………………………………………………..
Los còdols (Calheta)
I a de còdols dins lo lavabo !
Òc, de còdols qu’ai mes dedins. Ai causida la forma, la color, lo lusiment…
N’i a que son suaus coma la seda, polits per las careças de l’aiga. Redonds, ovals, mirgalhats, i a de tot !
De còps, an de raiaduras que semblan a una escritura secreta, o de tacas aital coma la cara d’una quimèra.
Levat un, amassat sus la plaja de Magalona – es de bon reconéisser : es iranjat – los autres venon d’Ardècha ont vau l’estiu. Bocinet de sistre negre e ponchut, tombat d’un teule, codelet del fons del riu, peireta a la broa d’un prat, cadun es detentor del silenci, del perfum dels ginèstes, de la calor del solelh. E, dins lo lavabò, quand l’aiga los banha, se revelhan e cadun me conta son istòria, son viatge, e sa jòia d’èsser remirat, cada jorn. Es mon tresaur !
……………………………………………………………………………………………………………………………………………….
Es una quimèra (joan-Peire)
Es una quimèra
Una ombra arpuda e fèra,
Una trèva famelica
Que de nuèit me visita
Dins l’espès d’un sòmi.
Nafrat ne demòri
Arma e pèl macadas
de sa grafinhada.