Lo mot : Fachinar

Sas mans (Cristina)
Sas mans,
Calinhèron sas popas,
Sas popas de joventa.

Dins son esquina,
Nasquèron,
Doas alas,
Alas de borra de plumon.

La mudèt
En àngel !

Mas cossi a fach ?
Per la fachinar ?

---

Soi tojorn estada fachinada per l’Egipte.(Josie)
Dempuèi l’enfança, aqueste païs e la civilisacion vièlha egipciana es per ieu una sorga de meravilhament.
Impressionada per la construccion de las piramidas, me demandi sovent, cossí poguèron bastir aquelas immensas montanhas de pèira, de millenaris abans nòstra èra sià-disent civilisacion avançada, abans nòstra coneissença.
Lo site de Giza n’es lo mai celèbre, mas que dire, quand es al pè d’aquelas grandarassas memòrias del temps.
Un immens respèct, de lagremas de jòia e de remiracion embuguèron mos uòlhs.
Fachinada per aquela impression de grandesa, d’immensitat, me daissèri portada per mon imaginacion, vesiái de milièrs de trabalhaires plegats per l’esfòrç, de maquinas de fusta, de peirièrs armas d’esplechs talhants
Res éra tròp bèl, ni tròp naut, per aqueles darrièras estanças eternalas.
La despolha del faraon repausava dins la cambra funerària, amb los objèctes precioses, lo mobilièr, las estatuas, tot rebat l’aur e las pèiras preciosas.
Las frescas muralas encara vesiblas uèi, nos expausan la vida vidanta per aqueste sobeiran.
Meravilhament e fascinacion m’an pas quitat pendent aquel sejorn.
Fachinada per l’Egipte dels faraons, lo serai tota ma vida, e lo desir lo mai car a mon còr, seriá d’y tornar un jorn.

---