Es totjorn un grand plaser e un enriquiment de seguir las jornadas plan chanudas de l’Universitat Occitana d’Estiu de Nîmes (UOE) organisada per la Maison d’Animation et de Recherche Populaire en Occitan (MARPOC) amb l’ajuda de la Region OPM, du Conseil Départemental du Gard, de la vila de Nîmes e autres mecènas e donators .
Lo tèma aquesta annada : « Urgéncias climatica e linguistica »
Cada jorn, d’omenatges, de conferéncias e de taulas redondas.
Lo 8 de julhet :
Las doas conferéncias previstas : la primièra amb Thierry Offre de Meteo France, la segonda amb Jaume Costa, mèstre de conferéncias, se debanèron dins Nîmes, a l’auditorium dels archius departementals de Gard.
Foguèron seguidas de l’aperitiu de dobertura, ofèrt par la Region d’Occitania e la MARPOC, animat pels « peigneurs de girafe », mini-concèrt de tria ! D’umor, mas tanben de cants prigonds e engajats.

Lo 9 de julhet :
Omenatge a Jòrgi Gròs, un jòc coordonat pels Talhièrs de l’Energia e del Temps, (Association Solar R’hythm) amb lo sosten del CIRDOC, e la remesa dels prèmis del concors escolans coordonada entre la MARPOC e l’IEO CREO Provença. Totes foguèron mencionats. Lor visonament es fòrça agradiu.
Ne vaquí un, fach per l’escòla mairala de Niça :
https://www.dropbox.com/s/w6ag17x96lj369h/La%20grana%204.mp4?dl=0

Contes per Malika Verlaguet/
Pels enfants dins la tantossada.
Pels grands pendent la serada.
Foguèt un bonur vertadièr

Lo 10 de julhet :
la gestion de l’aiga :

Construccions bioclimaticas : coma los ancians, cal vegetalizar, fargar de ramadas, bona orientacion de l’ostal, pas pus de beton e de quitran, sonque de pèiras, e de tèrra.
L’aiga en Cevenas.La resèrva de Camarga.L’aiga de Ròse.
Serada : Teatre Molière, Face Sud par « La fabrique sauvage » (en partenariat amb le Telquel sala de Nimes)

Lo 11 de julhet :
Eveniment : Clément Lacroix, artista rapaire.
Tèmas abordats : transmission, revitalizacion, revendicacion.

Vejaire personal : los joves presents èran mai dins l’accion amb de projèctes concrèts, que dins la revendicacion. Mercé a eles per totas aquestas iniciativas que fan espelir e avançar la lenga diferentament.

La serada del 11 : concèrt amb Lo Barrut, organisat pel’IEO de Gard, partenari de la serada.

Un vam, una energia, de vibracions,  que nos transportèron amb eles ! Un concèrt inoblidable !

Lo 12 de julhet : Las consequéncias del rescalfament climatic sus la biodiversitat per T. Offre de Meteo France que remplacèt Catherine et Raphaël Larrere empachats.
David Grosclaude nos donèt de que soscar suls  mots, las lengas, los concèptes…faguèt una polida ligason entre las doas tematicas d’ongan per clavar.
Lo vejaire de cadun sus l’ors, sul lop, es diferent segon que se fa referéncia al pastre o a Wall Disney !
Mai i aurà de lengas, mai rics serem.

Pendent los quatre jorns :
La convivéncia èra al rendetz vos, coma totjorn : aperitius, repais, discutidas dins lo claustre, qu’es un endrech vert apasimant.
La librariá èra plan provesida.
De corses de lenga se debanèron lo matin amb Domenge Caucat, e tanben, noveltat de l’annada, un estagi de vidèo animat per una professionala : Amy Cros de Tè VéOC.
Radio Lengadoc a cobert los eveniments cada jorn.

Un grandmercé a la MARPOC e sos diferents partenaris.
E a l’an que ven !