Retorn sus legidas

Retorn sus legidas

Un polit present per Nadal.

S’avètz a l’entorn de vos de mond que comprenon la lenga occitana escricha, e que son dins lo tristum, trantalhetz pas per la causida de lor present per Nadal :

La Gèsta dau Montamametas. Edicion : IEO Lengadoc

Testimòni :
Es un libre terapeutic, que muda las ploradissas del tristum en cacalasses de rire.
Es pr’aquò que disi que l’argent de la compra deuriá èsser tornat per la Securitat Sociala.
Posologia : Aconselhi de o legir a votz nauta, sonque un capitol per jorn, e sus sa bicicleta d’apartament.
Aital fasètz d’una pèira dos còps : santat fisica e psicologica.
Enmai s’es près a dòsis omeopaticas, l’efièch durarà mai longtemps.

Durada : Se besonh de renovelar l’ordenança, cal escriure a l’autor* per li demandar una seguida…
*Es pas aisit per lo trobar que sus la fòto de la 4a de coberta, i a sa berreta occitana que li amaga lo visatge ! Encara una de sas « Macareladas ! »


Laisser un commentaire

Votre adresse e-mail ne sera pas publiée. Les champs obligatoires sont indiqués avec *

un × deux =