Arpentar un libre : legir amassa

Arpentar un libre : legir amassa

En çò meu, i a d’associacions que fan d’educacion populara. A Orizom, participèri a un talhièr intitulat «arpentatge». Es un biais de far que dona l’oportunitat de legir un libre qu’auriá jamai legit per que sembla tròp «intellectual» o politic eca.

L’idèa es de decopar un libre en bocins o bocinèls dependent de quant de persona i a al talhièr e dins lo libre.

Aqueste dissabte sèm 5 per legir «Politiser le bien-être» de Camille Teste, lo libre fa alentorn de 200 paginas.

D’en primièr l’animator (Arno) explica la metodologia, presenta l’autora e legís «L’à propos» e perque l’a seleccionat pel talhièr. Puèi decidissèm del decopatge del libre. Los capitols fan mai o mens lo meteis nombre de paginas doncas cadun son capitol.

Cadun s’installa de son costat e comença sa lectura. Avèm una ora per legir, prendre de nòtas e preparar un resumit de çò qu’avèm de legir. Es pas tant aisit de legir un capitol sens aver lo contèxt del captol d’abans…

Aprèp la lectura es lo moment de la restitucion, explicar nòstre capitol amb de mòts clau e las idèas principalas. Normalament avèm 5 min cadun. Mas quina es l’idèa principala? E aquò es un detalh o important ?? Cadun a a páur d’oblidar d’idèas e los resumits son un pauc long.

Aprèp la restitucion de totes los capitols normalament avèm una idèa clara del libre entièr. Es lo moment d’escambiar d’idèas sus la tematica.

Una experiéncia interessant, i tornarai…

Resumit

Lo libre de Camille Teste es un ensag sus lo ben-estar dins la societat. Cossí es vist e utilizat.

D’en primièr explica çò qu’es lo ben-estar : praticas que permetan de prendre suènh de se, sa santat fisica e mentala avant de s’ocupar dels autres coma en avion en depressurizacion : la masqueta tomba, te cal te botar un avant de t’ocupar dels autres si que non podes èstre asfixiat avant de los sauvar.

Al sègle 21, las revistas, sus los rets, tot lo mond va plan. Sorrire, joia e vitalitat. Se la vida te pareis diferenta es ta fauta. Si rescontras un periòd de depression, si te sentisses triste. Encara ta fauta, sabes pas apreciar çò qu’as e mai se rescontras de problèmas te cal los traversar amb lo sorrire. Se que non es feble…

Pel mond politic, sindical e militant se sacrificar per la causa es normal, quand una persona es militanta, es de longa e sens pausetas. Los «burn-out» dins aquestas estructuras n’i a un fum. Es normal. Los militants son de guerrièrs sin falhas. S’arrestar es considerat coma una debilitat, una traïson. «Xtention Rebellion», en Grand Bretanha, organizèt una setmana ben-estar pels militants : yoga, meditacion, massatges eca. Aqueste eveniment foguèt considerat gairebeèn coma sectari e evidentament trufat pels militants europencs.

Çò que denòncia tanben Camille Teste es que i a una censura de las páurs qu’an assimilats que s’ocupar de se es pas la prioritat. E mai sovent pòdon practicar d’activitats de ben-estar que amb lo centre social de la vila, i a pas un fum de plaça e pas totjorn possible d’i assistir a causa dels oraris de trabalh.

Laisser un commentaire

Votre adresse e-mail ne sera pas publiée. Les champs obligatoires sont indiqués avec *

16 − six =