Aqueste an, a l’EOE (Escòla Occitana d’Estiu), i aguèt un talhièr : « Ball dels bastons ».
Cadun dins son autre talhièr, ausissiá sens los veire, los qu’èran a tustar sus de bastons en ritme. Ieu, dins mon talhièr de poesia,  trobavi agradiu de fargar de poèmas mentretant, sustot los aicós, perque lo tust dels bastons en ritm m’ajudava. Al cap d’un moment en mai del ritm i aviá la musica e benlèu que lo cant èra conegut de nosautres…
La setmana se debanèt lèu-lèu, e a la fin de la setmana, sus la plaça de Vilanòva, avèm agut l’astre, e la suspresa, (per ieu), de profechar d’una pichona demonstracion. Quina polida suspresa !
Vos daissi descobrir :
El ball de l’esquerrana :

An trabalhat/La borrèia : « la dansarem pas pus », e autres musicas occitanas e catalanas … :

Mercé als dançaires, e a Laura e Oceana, las doas organisatrises.

Qualques entresenhas trobadas, sus wikipedia, en espanhòl :
https://es.wikipedia.org/wiki/Baile_de_bastones

Santa Eulàlia 2021: Balls de Bastons de Barcelona i convidats :
https://www.youtube.com/watch?v=bj5woCnGRXw&list=PLCEGlthBj9tYYlonCkCnUvl0AQqq1yKNN&index=1