Cars borreiaires chanuts, mazurquejairas debutantas, afogats d’Andrò, atissats (adas) de danças Trad, Fòlk, balètis e toti quanti, vaquí la seguida. Dins aquela tresena partida i poiretz aprene d’ont venon las rasigas dels Balètis, Fòlk o Trad (sètz Trad o Fòlk?). La respelida de la musica tradicionala, l’evolucion, e quicòm de fòrça interessant, que solfinam a pro pena nosautres paures dançaires, las interaccions amb los musicaires e mai que mai lors sentits.

Per escotar clicar sus ligam: les strates du Bal
Aqueste còp l’ai pescat sus la letra de la FAMDT (Fédération des Acteurs et Actrices des Musiques et danses Traditionnelles). Trantalhetz pas de vos i abonar per recebre d’entresenhas sus aquelas danças. Vos pegui çai après lo ligam qu’i poiretz tanben escotar una emission radiò amb  » La Mal Coffada ». Ligam FAMDT.

Aital seretz un saberut(uda) de las danças Trad (o Fòlk se volètz). Çò melhor es d’anar dançar, dins un balèti seretz aculhit amb amistat e benvolença. Es un luòc de rire e de jòia e d’amusament. Escotam çò que nos en ditz Eric Fraj, President de l’IEO. Car President se nos legissètz, la còla d’Escambi vos saluda. (tirat del CD Le Bal de Cyrille Brotto/Guilhaume Lopez)

Lo Bal un triomfe de la vida sus la mòrt, aquela vision m’agrada, a Dançar!