La passejada de las sopas (2025)
(Mercé a Chantal, per son tèxte e per las fòtos.)
Coma cada annada, sèm anats a la passejada de las sopas , lo dimenge 5 d’octobre, a « las Rivas »
Foguèrem un centenat de passejaires.
A l’arribada qualqu’un nos ofris una sopa per nos desirar la benvenguda.
Puèi, partissèm suls caminòls en seguissent lo guida que portava la bandièra de l’Occitania.
Pendent la passajada la contaira Malika nos contèt de contes e abans de començar, i aviá totjorn una devinalha.
Al cap de 8 quilomètres, sèm arribats al vilatge « Cornus Canals » lo grop « Biscam Pas » nos aculhiguèt en musica.
Avèm apreciat e manjat la famosa sopa avaironesa « lo melsat ». Recèpta sus :
https://escambisenoc.org/2024/10/13/retorn-sus-la-passejada-de-las-sopas-del-6-de-octobre-2024/
E amb lo cafè, avèm saborat la deliciosa « pogne » leugièrament perfumada a la flor d’irangièr.
Après avèm escotat de cants de la corala de St Guilhem :
Avèm tirat camin e pendent la passejada avèm agut encara lo plaser d’escotar Malika.
A l’arribada aguèrem drech a l’ ultima sopa amb coja, caròta, ananas et gengibre, un pichon reconfortant per atacar lo balèti amb Biscam Pas, fins a la fin de l’aprèp-miègjorn.
Coma cada annada, avèm passat una èxtra bona jornada qu’es totjorn plan organizada pel cercle occitan de Lodeva.
E en partissent, lor avèm dich : « mercé e … a l’an que ven ! »