Land’Art/Art Efemèr
S’avètz de fòtos d’Art Efemèr, trantalhetz pas per nos mandar. O publicarem. Adreiça email, çai dejos : bonjorn@escambisenoc.org
Lo Diari
Pchit… Son nombroses los que coneisson Lo Diari : magazine de la Cultura, (tota la Cultura, mas en occitan), e los que i son abonats.Ieu, ne’n fau partida. E cada dos meses, espèri son arribada. D’en primièr me cal una mièja oreta per espepissar lo contengut. E la bona resolucion es d’i tornar lèu lèu, per aprigondir. Pchit… LO DIARI / n°63 p.30 Mas, realizèri, mercé a un titol que se sonava : « Pchit…« , que la cronica :« Sortir la lenga », de Corinne Lhéritier,…
Mesa en plaça de la Pancarta
Soi uròsa de vos anonciar que lo vilatge vesin del nòstre, ven de pausar un panèl en occitan a la dintrada, del costat de Montaud. Soi ufanosa per Guy Bonnet, lo regent e l’amic, que pendent 25 ans ensenhèt l’occitan siá dins son escòla, als pichons escolans, siá al fogal rural, e a gratis. Es un polit retorn de las causas. Un jorn, las granas grelhan, emai s’aquò pren de temps. S’aquò podiá èsser contagiós…me demandi cossí se sonariá lo meu…
Edicion dels tèxtes del talhièr d’escritura d’ agost
Per Gabarra vaqui çai-dejós los textes de Cristina, Florença e Joan-Peire. La gabarra/Ma penicha (Cristina)Tre ma penicha, assetada darrièr la fenèstra, vesi tot passar. Lo temps, passa lèu, agachant lo paisatge.A cada sason sa color :Los fraisses se vestisson de verd clar a la prima. De branca en branca sauteja l’aucelilha, e cadun lança son crit per estabosir la galariá.Los amorièrs color daurada, sabon qu’aprèp la davalada auràn perduts lor vestit de fèsta reiala.Nus coma vèrms, « faràn pas lor…
Poèma per una escolana
Es la cavala que nos parla… Lectura del poèma.
Segond Retorn sus l’UOE 2021
Un 2nd retorn amb una vidèo sus Té Vè Òc : http://www.teveoc.com/pages/produccions/emission.html « L’Universitat Occitana d’Estiu a Nimes es una istitucion vertadièra dins lo mitan militant, associatiu e culturau occitan. Après una adaptacion en edicion numerica per 2020, retrobam aquest an la còla e lo programa dins son espaci abituau despuèi 2017, l’Ostau Diocesan de Nimes. Per sa 45enca edicion, leis organizators chausiguèron la tematica seguenta : « Òme/ animal : quinas evolucions dins las relacions ? ». Nautrei avèm poscut curbir una granda partida dau programa….
Retorn sus legidas : Djamilia
Tchinghiz Aïmatov (Autor) ; A. Dimitrieva e Louis Aragon (Traductors) Djamilia es una femna que viviá dins lo Kirghizstan. Es bèla. Lo pel long, los uelhs en forma d’amètlas, que brilhan quand ritz. Sembla una fòrça viva qu’emana de la natura que l’environa. Fa ligam amb ela. Una natura un pauc salvatge, amb de tradicions implantadas dempuèi de sègles. La novèla se debana pendent la guèrra. I a pauques òmes al vilatge. Doncas femnas e enfants menan dura vida. Djamilia…
Talhièr d’escritura sul blòg
Cada mes, la còla d’escambisenoc, vos prepausarà un talhièr d’escritura. Lo tèma serà elegit per avança, pel grop de charadissa, lo mes d’abans.Escriure, sus un quinzenat de linhas, (mai o mens).Siá : pròsa, poèma, asenada, teatre,…Dos tèmas ja utilisats pel grop de Skype : la nuèch, e las flors. Aviada : la 1a setmana d’agost. Clavadura la darrièra setmana.Tèma per agost : « La gabarra« Seràn visibles en linha sonque los tèxtes per los quales avèm l’autorisacion : tèxtes signats/nom/pichon nom, o « es-pseudo »… Podètz :demandar d’ajuda per la…
Per far tornar l’Angèlus
Recèpta : Agachar lo vòstre cloquièr atentivament. Fargar un poèma de la vòstra composicion. Vaqui mon haïku : Sona Angèlus,Campanas ancestralas,Resson còr en òc. Dessenhar puèi, decorar…pintrar… lo vòstre poèma aficha. Mandar tot aquò al Conse. Benlèu : alucar una candèla, e far un vòt. (Mas aquò es pas una obligacion) Esperar… Dobrir las aurelhas.https://www.youtube.com/watch?v=Iv7RK70N7VQ S’aquò marcha, doblidètz pas de mercejar la Comuna…per en cas d’una demanda venenta.
UOE a Nimes
Pichon retorn sus la 45a UOE (Universitat Occitana d’Estiu) Se debanèt del 10 al 13 de julhet 2021, a Nimes. Un fòrça bon programa fargat per la MARPOC e l’IEO 30.Un grand mercé als organisators : Miquèla e Patric Lapierre, Estèla Mazodier, Marineta Mazoyer, la còla dels benevòls, e totes los autres…Lo tèma aquesta annada : « Òme/animal, quinas evolucions dins las relacions ? ». Tre la debuta, una presentacion de las vidèos del concors « Escolans »Vos presenti dos filmòts : La 1èr : La transformacion de…