Las dents
Papet te cal pas quitar las dents dins un veiròt d’aiga que la mirgueta passarà pas!
Total Festum
La finala Dissabte lo 3 de Julhet e Dimenge lo 4 de Julhet se debanarà la finala de Total Festum a Sant Cristòl d’Erau. (preguem que siam pas encara empatolhats per aquela petelega que nos emmasca a l’ora d’ara) Un programa de tria nos espera per aquela dimenjada a l’entorn de las bestias totemicas de la Baragònha de Sant Cristòl e Lo Tamaró de Vendargues que se van maridar. Un fum d’animacions son propausadas: Jornada de despòrts tradicionals, passa carrièra…
Carnaval es arribat
Lo mes de Febrièr comença, carnaval se sarra. Una tradicion fòrça presenta en Occitania coma podetz lo veire sul siti del CIRDÒC : (per legir la version en occitan cal causir en naut fr=>òc) tematicas · Occitanica, Portal collectiu de la lenga e de la cultura occitanas Sus las originas e las tradicions del carnaval traparetz sus Radiò Lengadòc una conferencia de Glaudi Alranq enregistrada sul pòdcast de la Radiò : Pòdcast/conferéncia/Istòria de rituals: Carnaval En Occitania n’avèm de famoses…
La Mapa
-Diga Papet de qu’es aquela mapa? – Aquela mapa, es la mapa d’Occitania. Aquí a l’oest i a la Gasconha, au mitan lo Lengadòc, en bas lo Bearn, i a un pauc en Espanha dins Val d’Aran. En naut lo Lemosin, a l’est la Provença e lo canton de Niça, ven coma aquò dins Alps, e enfin un tròç en Italia. -Aquò fa un bèl país! -E solide, lo mai bèl del mond! -Ieu, quand serai grand, farai President d’Occitania!
De qu’es aquò n°1
Quatre pes , pas ges de camba; dos braces pas ges de man; una esquina pas ges de cap, de qu’es aquò?
Asenada
– Digatz monsur lo carnsaladièr, la vesina m’a dich qu’aviatz de pès de pòrc! -Òc ben! Ai de pès de pòrc! -Deu pas esser aisit per caminar!
« La Gèsta dau Montamametas »
Per aquela primièra pagina de retorn sus legida, vos parlarai de « La Gèsta dau Montamametas ». Un libre que l’autor ne volguèt demorar anònim. Una seguida d’istòrias tan chucosas las unas que las autras, escrichas dins una lenga gostosa coma l’ausiguèri dire pel vilatge, una lenga pròche. D’imaginar aquela còla de vendimiaires dins una camioneta fasent lo bomba-cuòl assetats sus de ferrats me faguèt venir de sovenirs de vendimia e lo cacalàs. Una potinga miraculosa d’un còp èra, un…
De qu’es aquò? n°2
Quand es caud es fresc, e quand es fresc es caud. De qu’es aquò?