Quicòm de pas creire, l’Occitania s’es levada sul teulat de l’Euròpa del rugbi.

faguem pas los refastinhóses es un espet de tria! aqueste còp Occitania es primièra, la-lan-lèra!
Se i a un espòrt ont l’Occitania es de las melhoras aquò’s plan lo rugbi. Al nivel nacional comptam pas pus los bloquièrs de Brennus que las còlas Occitanas an levats. I aguèt l’ASB de Besièrs que se tiravan la borra amb lo Racing de Narbona. I cal apondre lo mai nomenat, l’Estadi Tolosenc solide . Sens debrembar tanpauc Tolon, Agen, Lorda, Bordèu, e mai que mai lo rugbi dels vilatges e vilòtas d’Occitania tota. Una longa rota comuna entre Occitania e lo rugbi? Me sembla. En tot cas, abans que la partida començe, es dins l’estadi de rugbi de Tolon que se fa clantir « La Copa Santa » mentre qu’a Montpelhièr o Besièrs se pòt ausir lo « Se canta ».

Sai que fièrs d’èsser Occitan macarèl!