Del 7 al 29 de julhet 2023.
https://www.festivaloffavignon.com/
Ai passat una fòrça polida jornada, mas doncas, foguèri forçada de causir,  4 espectacles en francés !
1) La tresse :

2) Le secret des arbres :
Polida faula, encantarela, que questiona sul nòstre rapòrt a la natura, e sus la valor vertadièra de las causas. Polit decòr, poesia e sensibilitat. La musica a l’acòrdeon i troba tota sa plaça.

3) Heureux les orphelins :
Lo lengatge e son impacte a l’ora d’ara dins la societat actuala. Un tèma plan menat sul mite d’Elèctra. Un polit « anar e tornar » sus l’òbra de Giraudoux, e lo mond actual.
Los mots prenon la plaça dels còps d’espada e pòdon tuar ! Lo lengatge arma contemporanèa jòga un ròtle dins aquesta societat de « iper comunicacion ».
Pòt menar çò melhor e çò pièger ! Es la manipulacion en politica, en medecina e en entrepresa !

4) Charly, Poète, Poète :
Un espectacle musical, filosofic e destimborlat !
Aqueste jove que fa lo « palhassa » es un virtuós del lapsus…dels mots, de la musica, de la poesia, e de la cançon. L’assegurança de passar un bon moment : de cacalasses, e d’emocion tanben !

Los 4 conselhs per un bon festenal en Avinhon :     
– Partir amb las reservacions/tickets imprimits.
– Se garar dins los parcatges a gratis e utilizar la naveta (a gratis tanben), que vos mena en vila.
– Passar a l’ofici del torisme per recuperar un plan amb los noms dels teatres e lors coordenadas.
– Menar un capèl, de bonas cauçaduras de marcha, e d’aiga.

Question : Mercé de tornar a la question del titol, qu’es : « Cossí far per aver d’espectacles en occitan al còp que ven ? »
S’avètz d’idèas ….mercé als occitanistas motivats d’anar tustar a la bona pòrta !
Ieu ? Sabi pas…Benlèu demandar : al CIRDOC ? Als elegits ? A la Region ? Als productors… ? Als Directors/copresidents ? …e … ?
Ja, mercé de ne parlar, …e… ?
Mercé per ajuda e sosten ! Caldriá èsser nombroses…
Podètz daissar un comentari, una proposicion, sul blòg :
bonjorn@escambisenoc.org