Lo revenge de Petaçon

Lo revenge de Petaçon

Desvestits los espaurugals, sus la palha los pelhaires, l’a decidit lo govèrn van donar d’ajudas a las/los que vòlon far petaçar lors vestits!
Per legir lo projècte de lei: bònus per lo petaçatge
Sembla una fòrça bona idèa que, de verai, s’escampan tròp de causas que pòdon encara nos far mestièr.

Fa bèl temps que se n’es avisat nòstre Petaçon Occitan, el que son vestit es clafit de petaçes. O sap ben : Un bon petaç fa durar las pelhas! Baste qu’aquela mesura faguèsse miranda se deu empachar lo mond d’escampar las fardas que fan lo torn d’Euròpa per èstre, çò dison, valorizadas. Puèi, fin finala, que finisson a molonadas en Africa.

Ja lo pelhòt crema, es o cas d’o dire, entre los ecologistas integristas defensors de la planeta e los degalhaires descabestrats de sas ressorsas. Doncas, se pòdi portar ma pelha a la bugada, me demandi se aquela bona idèa va pas encara menar mai d’embolh entre las/los que crompan, a còsta un braç, de braias dels genolhs traucats e los que van s’afanar de las far petaçar.

D’aquestas garrolhas, Petaçon s’en chauta, mas ça que la, pensi que se deu calcinar d’aquel afar: Es que va demorar pro de petaçes per cordurar son vestit? Mancariá pas qu’aquò que seriá una cotelada de mai a la cultura nòstra! Pas de panica pensi que de la manca de vestits risca pas res.
Paure Petaçon que va finir sa vida corteta cremat, tal coma una granda part de las pelhas qu’escampam, mas el sus un lenhièr, coma un erètge. Se sabètz pas de qué ne far de vòstras pelhas, avètz pas qu’a las servar per ne far son vestit e faretz d’una peira dos còps. Cremat per cremat que servisca de quicòm!

2 réflexions sur « Lo revenge de Petaçon »

  1. Òsca per aqueste article. Urosament que i a lo Petaçon que nos fa totjorn sorrire…
    Pel Bònus ? Mèfi ! Los infèrns son tròp sovent pavats de bonas intencions !
    Mercé per la videò, aquò confirma lo suènh de prene dins las causidas de çò que menam a la rebutariá. A Somèires, lo responsable del luòc, nos di a cada còp, de botar a la recuperacion, sonque çò que poiriám metre, e dins la bena, lo demai.

Laisser un commentaire

Votre adresse e-mail ne sera pas publiée. Les champs obligatoires sont indiqués avec *

3 × deux =