Las recèptas de cosina d’Alan (5)
FRUCHAS DE MAR : Los arcèlis de l’estanh de Taur (clovisses de l’étang de Thau).
Prendre mièg quilò d’arcèlis … los metre dins la padena (poêle) amb un fialat d’òli d’oliva, ajustar 1 gran d’alh (gousse d’ail) chaplat e de jolverd. Plan remenar, metre un veirat de muscat sec … quand son dobèrts e que l’alcoòl s’es evaporat, tirar un pauc d’aiga de cuseson, metre 2 culherats de crema fresca … ges de sal, seriá immanjable. Se la saussa es tròp aigassosa (liquide), ajustar 1 c de maïzena per espessir.
A se chucar los dets e, de segur, doblidatz pas de chucar las clòscas tanben e lo chuc que demòra dins la padena amb un bocin de pan !
En familha o entre amics amb un vin blanc Picpol de Pinet !
Alain Lloria « La còla de las istòrias en òc »
(Mercé a Alan per la transmission.)