Coriandre…Kabyl’òc (1) e (2)
Kabyl’òc, es un viatge musical entre Kabylie (Cabília) e Occitanie.
Un partiment de culturas, de lengas, de musicas e de cançons, entre Nord e Sud, d’una riba l’autra de la mar Miègterranha. Una melhora compreneson e mai de respècte malgrat las plagas del passat, qu’aquesta interaccion ajuda a cicatrizar.
1) Lo projècte Kabyl’òc 1, primièra fasa :
Aguèri l’astre de poder anar escotar :
Kabyl’òc (1) a lor sortida de residéncia a Somèires : un bonür vertadièr.
Enregistraments en direct en 2022 :
L’ironda,
Adezzi Ssaa,
Nord ou Sud,
Tamegra N’Tefsut
Bona escota ! Mercé a Danis Galvier, per la transmission.
E 2 musicas de mai sul siti : www.coriandre-productions.fr anar sus : groupe, causir : Kabyl’oc, e basta de davalar lo long de la pagina, puèi de clicar sul boton del registrament.,
L’encontre comencèt en 2019, per una residéncia a Somèires. Mas los visas compliquèron considerablament lor trabalh ! per legir la seguida (en fr.) :
http://escambisenoc.org/wp-content/uploads/2024/03/infos-kabyl-oc-1.pdf
2) Lo projècte Kabyl’òc 2, segonda fasa :
Es amb una còla de Kabyles vivent en França que la seguida del projècte se debanèt. Cambiaments d’armonisacions, creacions novèlas, mas lo meteis esperit conservat.
(Mercé a Hervé Hugot per la fòto)
Chant, percussions : Siham BESSA
Accordéon, chant : Anne Catherine LOGIEST
Derbouka, bendir, chant : Massinissa KHICHANE
Violoncelle, chant : Vincent de JODE
Chant, saxophones, flûtes, chalémie : Denis GALVIER
Repertòri : Dialòg entre lengas e tendéncias musicalas, puslèu que de far juxtaposar dos genres diferents. Se servisson de musicas tradicionalas e de cants mai recents (Idir, Sidi Bémol, Djamel Allam…) e fargan de creacions originalas en rapòrt amb l’actualitat.
Foguèt un bonür de los escotar al Jazz Corner Cafè, lo 8 de març, passat.
One thought on “Coriandre…Kabyl’òc (1) e (2)”
Kabylòc una mescla qu’es una capitada, un délicieux. En mai d’aquò me faguèt remembrar al temps qu’escotavi Djurdjura: https://youtube.com/watch?v=A8_jrll_oOg&feature=shared.
Grand mercé