Retorn sur la nòstra charradissa occitana de Somèires (1)
Se debanèt lo dijòus 25 de julhet 2024.
Fa longtemps que n’aviam enveja. Caliá trobar un luòc agradiu e acuelhent entre Erau e Gard. Un endrech per s’acampar, per poder charrar en occitan, pendent una ora e mièja, sens destorbar lo foncionament del luòc. Ara es fach.
Mercé a Nicolas, perque foguèt, e serà possible, dins son cafè : «Le Local » , a Somèires.
Se debanaràn los dijòus de 6 oras a 7 oras e mièja, pendent las vacanças escolaras. Gardam lo jorn e los oraris del nòstre cors amb lo nòstre professor d’occitan, Domenge Caucat, a Somèires tota l’annada.
– Ont es Lo local ?
https://acceslibre.beta.gouv.fr/app/30-sommieres/a/cafeteria/erp/le-local-6/
– Lo Local : Qu’es aquò ? La lor INTRO SUR Facebook : Intro/ « Le Local est un bar spécialisé dans la promotion de produits et d’artistes locaux »
https://www.facebook.com/Localsommieres/?locale=fr_FR
– E vaquí cossi se debanèt la primièra charradissa :
Èrem 7. Cadun deviá venir amb quicòm de propausar als autres : un jòc, una devinalha, una lectura, un poèma, una cançon, un article de legir…
Paul e Maria Elena nos legiguèron a doas voses : un tèxte erotic del Marqués de Sade e de Milli de Rousset, en provençau.
Natalia nos propausèt un jòc amb de cartas per fargar amassa una istòria. Èra una incitacion a charrar, cadun son torn. Avèm fach dos torns sus aquesta istòria, amb de rires e de suspresas !
Josi nos legiguèt una cançon de Monsur T.
Rosalina nos contèt una asenada.
Cristina faguèt endevinar al grop l’objècte amagat dins un sac. Caliá li pausar de questions. Èra un present per la Rosalina, que festejava son cap de l’an. Una brava suspresa aqueste daquòs !
La tòca es, e serà totjorn, de prene una consomacion…per mercejar Nicolas per son bon acuèlh.
Pensi que serem al mens un dezenat, per la seguida…
La data seguenta : lo dijòus 1 de agost.
Puèi : lo 8.
Pel 15 ? Caldrà ne parlar, qu’es un jorn de fèsta.
E aital, nos fasem plaser tot en desvelopant l’espandiment de la lenga…
Se vosautres, fasètz tanben una charradissa, seriá interessant d’escambiar
3 réflexions sur « Retorn sur la nòstra charradissa occitana de Somèires (1) »
Vaquí una fòrça bona iniciativa! Òsca
mercé
Christine, un bon moment de paraje, dins lo cafè de Nicolas « le local »a somières.me enconta de charrar ;Fa longtemps que n’aviam charrar en occitan.Un bon moment de joc per ieu; la lenga sonna dins ma testa tota la nuèch.
essai d’écriture pour mes remerciements .Alexandra.
Alexandra,
un grandmercé a tu e òsca ! Es un primièr pas…après la dança trad., après l’escritura a travèrs de poèmas, e ara… la charadissa !
Benvenguda, e bona seguida. Me faguèt un grand plaser de te tornar trobar prèp de nosautres, per aqueste momenton de partatge a l’entorn de la lenga !
Cristina