Mercé a Charles Camberoque, fotograf plan conegut, que nos convida en tèxte/votz, e images (amb sas fòtos ) sus las piadas de Ives Roqueta.Un viatge fòrça polit, esmovent e agradiu !Grandmercés a el. (Mercé a Ròsa per la transmission).
Cascalhadisses,Sus mossa mofla verda,Riulet fiula.
Lo mot èra « Tissós » Una dolor atissosa** (Cristina) Quin dòl ! Quina dolor !Aprèp la pèrda de son òme, la Marineta se trapèt un dòl al genolh.Lo «ge-nolh», que se ditz en francés : « ge-nou ». Es pr’aquò que los especialistas parlan d’una dolor entre lo « je » e lo « nous ».Tre la debuta, la Marineta èra plan d’acòrdi amb aquesta analisi : li caliá trobar una plaça novèla, entre ela e los autres. Abans èra la mitat…
Aqueste còp vos propausam d’escriure sens mot impausat, bon viatge imaginari.
La Malafacha (Ròsa) Lo rambalh qu’avián fach desrevelhèt lo vièlh. Èra pas aimable de costuma alara ongan, de que se podiá passar? La malafacha èra pas tan grèva, mas per el ? De que avián fach dins l’ombrina de la serada. A la debuta s’embestiavan, landravan d’un costat a l’autre, sens saber ont anar. Puèi lo Silvan arrivèt. Aviá totjorn una idèa que li passava pel cap s’encabanava. Èran totes sul truc a costat de l’ostal del vièlh qu’anava al…
Lo Talhièr d’escritura contunha… S’agís de fargar un tèxt jos la fòrma que vos interèssa lo mai : pròsa, poèma, teatre, asenada, devinalha,…Un bon biais per trabalhar la lenga. Mandar lo tèxt per email,a : bonjorn@escambisenoc.org, amb la vòstra adreiça email, e las informacions complementàrias seguiràn.
La vida es un camin… Ai perdut ma mitat,Mon òme es partit lo primièr,Drech !Dins sa mòrt, coma dins sa vida.E ieu soi tòrta !Cerquí son alma,Sa preséncia m’entorneja,Entre perfum de seringat e de ròsas ancianas.Ma camba drecha lisa,Sul camin de ma vida,Cerquí mon equilibri,Entre cròças e estèla.Soi tòrta,Ma bequilha dins una man, lo pichon felen dins l’autra.Trantalhi,Entre lo bonur del solelh levant,E lo tristum del solelh còlc. (Cristina : 16/10/2022)
« E qu’es aquò? qu’es aquò? » (Florença) Èri tranquilament assetada sul banc situat a qualques metres de l’ostal. Lo darrièr de ma passejada. Demòri dins un vilatge ont i a encara d’atencions pels vièls que pòdon pas mai caminar. De bancs amb de punts de vista de tria pròches los uns dels autres per s’assetar sovent. Aquestes me permeton de far ma sortida jornalièra. A cada pauseta vesi la val, los castanhièrs, los bancèls e las amassadas alunhadas.Tot mon passat es…
Lo Talhièr d’escritura contunha… S’agís de fargar un tèxt jos la fòrma que vos interèssa lo mai : pròsa, poèma, teatre, asenada, devinalha,…Un bon biais per trabalhar la lenga. Mandar lo tèxt per email,a : bonjorn@escambisenoc.org, amb la vòstra adreiça email, e las informacions complementàrias seguiràn.