Brocar de pometas d’amor

Brocar de pometas d’amor

Vaquí la sason de metre d’ortalalha dins l’ortet. Lo temps se melhora, lo caud naseja, es lo moment de plantar las pometas d’amor. Au cap d’un moment creisson e fan de sagatas, aquelas d’aqui se pòdon brocar per ne far de plantas novelas per la fin de sason. De veire la video :https://www.youtube.com/watch?v=BEWNNTCOhE4

Cal causir de bròcas pron longas, pensi qu’es melhor de far una copadura propreta (amb un cotèl o autre)

Ieu, per capitar melhor, ai costuma d’emplegar d’ormòna de brocatge. Mas bon, far venir d’ortalalha aquò’s pas de matematicas, de còp marcha pas e o cal tornar recomençar.

Planti las bròcas e asagui. A la debuta las bròcas van s’aflaquir, aquò’s normal, i cal tenir d’aiga cada jorn. Al cap d’una quinzenada se van requinquilhar, cal esperar un mes que las rasigas vengan fòrtas per las botar en tèrra.

E vaquí a vos autres de far, adieu e mercé (que los francimands n’en faràn benlèu la revirada per : « Arrosoir et persil »

2 réflexions sur « Brocar de pometas d’amor »

  1. Pla lo bonjorn!
    Fasent coma disetz donan de frucha en Octubre ? O pus tard encara?
    Mercès per l’idèa!

    1. Adieu
      En Octobre? benlèu, mas pensi que cal lo far sus de varietats tardièras. Per aquelas que faguèri, pensi qu’es tròp leu, veni de las botar en terra, e son ja a mand de florir, vos dirai. Plan mercé per vostre comentari, se coneissètz de biais de far, trantalhètz pas d’o mandar lo publicarem sul blòg. A lèu-lèu sus escambisenòc!

Laisser un commentaire

Votre adresse e-mail ne sera pas publiée. Les champs obligatoires sont indiqués avec *

20 − 8 =