Un cafè òc es un biais convivial de parlar o d’ausir parlar la lenga. Un mejan d’explorar la riquesa culturala, que siám occitanofònes o non.

Per cada cafè òc, i aurà un tèma, amb un, o mai d’intervenents, per que cadun pòsca ausir l’occitan mas tanben comprendre çò qu’es dich, quitament se practicam pas la lenga. En mai del tèma, cantarem, escotarem de contes, dançarem, charrarem, e poirem beure un còp, e rosegar. Serà previst sus plaça.