Las Grèpias (e uèch de mai)

Las Grèpias (e uèch de mai)

Ara es la sason de las grèpias.
La darrièra passejada occitana foguèt l’ocasion de ne veire una de remirabla ! Bèla entre las bèlas ! Espantanta !
A Montpezat : la grèpia de Edouard Peyrille, 600 santons. Grèpia dobèrta en aquesta sason, pels que ne fan la demanda. Grandmercé a el per partatge de sa passion.

Veire l’article de ML, ja senhalat sul blòg e sas coordenadas :
https://www.midilibre.fr/2020/12/28/la-creche-racontee-dedouard-peyrille-9280723.php

Mercé :

  • a Cathy que nos faguèt lo tornatge d’un filmòt.
  • e a Edouard qu’a botat sus una pagina de Facebook sas fòtos e sos comentaris: (de veire sus la pagina Facebook Santons Pastorales et traditions)
    https://www.facebook.com/2418990194987983/photos/a.2418995664987436/2952236044996726/?type=3&theater

    Comentaris de tria, que nos fan dintrar dins la Pastorala, e dins lo mond fabulós dels santons. I trobaretz : las pichonas istòrias e los contes qu’acompanhan la Cabrèta d’aur de Provença, lo Gaspard de Besse, (Robin dels bòscs de Provença), l’Artaban de Médée, (lo quatren rei mage, polit conte dich per lo nòstre guida que nos encantèt), lo sant Nicolas que salvèt tres enfants, e totes los autres…Una polida maqueta de la dança de las cordèlas…La Camarga serà presenta amb totas sas tradicions.
  • E mercé a Leonia, reporter ecologista, que nos alberga pel nòstre filmòt, sus sa cadena : Léonie Mme Hérisson Trantalhetz pas per anar veire…i trobaretz de polidas descobèrtas… i podetz menar los enfants.

Poiretz remirar lo trabalh de tria dels artisans santonièrs ! Son d’artistas vertadièrs ! Ieu, (Cristina), admiri particularament la precision e lo rafinament de Karine Fraisse, colors remirablas. Es una orfèbra !

Mercé a tévèòc, vaqui lo biais de fargar un santon :

Per contunhar las visitas de las grèpias, siá las vòstras, siá las que vos agradan, vos prepausan de nos mandar una fòto (amb l’autorisacion del creator), e una frasòta d’acompanhament, que seràn publicadas sus nòstre blòg.

Adreiça pel mandadís per email :
bonjorn@escambisenoc.org

1 Sant Bauseli de Montmèl (Mercé a Guy)
2 Mercé a Yéyé
3 l’Arbousier, Castries (Mercé a Magali)
4 Lagrasse, 11, (Mercé a Joseta)
5 La grèpia esclairada de Guy
6 la grèpia lunaria de Chantal
7 La grèpia de Marisa
8 La grèpia de Cristina (la part « creacion modernizada » es de Laurence Amblard ceramista a Galargues 34)

Mercé a totes e : « Bon Nadal » !

Laisser un commentaire

Votre adresse e-mail ne sera pas publiée.

cinq × 4 =