Cafè Occitan del 9 de Febrièr

Cafè Occitan del 9 de Febrièr

Encara un moment de tria que passèrem aqueste 9 de Febrièr al cafè Occitan a la cava dels vinhairons de Somèires qu’i èran prevists l’aligòt e una serada de contes.
En primièr preparacion colegiala del repais, talhièr de trufas, òc ben las cal pelar, o talhièr d’ensalada verda o talhièr d’ensalada de fruchas, a cadun sa causida. Un moment ont s’i manejan los cotèls e los escambís en lenga nòstre a cadun son nivèl i pas ges d’embolh.


A la manòbra lo Danís que trantalhèt pas de donar la man per alestir la mescla.

Christina e Veronica, cric-crac a tu a ieu, nos faguèron viatjar dins lors contes. un Italian braçièr en cò d’un monge, una formiga sauvarèla d’un rossinholet, en Occitan solide! Mas sens doblidar de revirar per que totes e totas n’ajan una bona compreneson. (Podètz venir als cafes òc quitament se comprenètz pas la mai polida lenga del mond).

Pòdi o dire sens engambi nos sèm congostats de la lenga e de l’aligòt que de tan bon qu’èra l’auriam lepat sus la clòsca d’un ronhós!

D’unes s’entraïnèron al « levat d’Aligòt ». N’i a que dison que son a estudiar de far venir aquel espòrt novèl dins los JO venents. Per Erwan benlèu una seleccion oficiala dins la còla d’Occitania!
Òsca a totas e totes!

Per los que son pas venguts avètz mancat quicòm! Pas ges de lagui, d’autres cafés òc se sarran. Lo 9 de Març al Jazz Corner Cafè : Arab’Òc, lo 13 d’Abril parlarem de las guerras de religion, dins lo ròdol de Somèires, dins Cevenas entre Uganauds e Catolics se debanèron chaples e batestas grandassas, vos i espèram nombroses per escotar e charrar.
Programi: Cafès Occitanshttps://www.asso-coriandre.fr/cafes-occitans/:
PS: grand mercé a Veronica de sas fòtos.

2 réflexions sur « Cafè Occitan del 9 de Febrièr »

  1. E ieu ma demandi : I a quicòm que lo Danís sàpia pas far ?
    Paures, los qu’an pas pogut tastar aqueste aligòt ! Quin pecat !

Laisser un commentaire

Votre adresse e-mail ne sera pas publiée. Les champs obligatoires sont indiqués avec *

quinze − quatre =