Arab’òc : un projècte per bastir la patz !

Arab’òc : un projècte per bastir la patz !

Retorn sul cafè òc del 9 de març 2022

Lo  projècte Arab’Oc es la crosada entre cultura Occitana e la cultura Araba a travèrs la musica, la cosina, la dança…
Dins lo Jazz Corner Cafè, foguèt un bonur d’encontrar Abdel Bouzbiba et Jocelyn Papon (totes dos ex-musicians del grop Du Bartas).

Nos an parlat d’aqueste projècte : « Arab’òc », que se debana sus Carcassona amb l’associacion : « 11 bouge »
Dins d’escòlas de mitans desfavorisats e dins de calandretas.
E mai, an fach mièlhs que de sonque ne parlar.

Musicians de tria ! Nos an fach ausir cants e musica a doas voces, amb las imbricacions dels dos paises. An començat per « lo boièr » Una capitada inovidabla !
Pedagògs talentuoses : Nos an botat pendent un momenton, fòrça esmovent, dins la meteissa situacion que los enfants e fa viure dins nòstre còrs, e dins nòstre vòtz, de bocins de sonoritats dins cada lenga. Avèm cantat en occitan, puèi en arabi, totes amassa. Son fòrts !

Lor trabalh s’enrasiga dins lo « mièlhs viure amassa » : Son d’artistas implicats, que s’engatjan. Botan cadun en valor, segon son especificitat culturala. Son la pròva vertadièra que sèm diferents e fòrça complementaris.
Se pòt dire que fargan la patz. Es aital que podèm mièlhs viure amassa, amb bonur.

Lors videòs, nos fa cabussar dins la jòia e lo vam dels enfants e de la còla musicala. Preparan un espetacle per junh, dins l’encastre de Total festum. Un polida fèsta ont cadun participa plenament.

Per mièlhs se rendre compta, cal agachar la videò :

https://www.youtube.com/watch?v=91e_139lKsE&t=4s

Una autra :
https://www.facebook.com/Arab.0c/videos/546181859469899

e sus la pagina facebook del projècte :
https://www.facebook.com/Arab.0c

Sus lors musicas e cants, se pòt dançar : d’escotiches, de rondèus, de rondas, eca….
An ja fargat un bal : lo bal Arab’oc, amb la fanfara : Tarabastar/Occitanie-Limoux, e l’orchèstre de las Fèstas Magrebinas.

Question : Ont podèm tornar trobar lo libreton : Cosina occitana-orientala ?
https://www.11bouge.com
Mercé per la responsa a : bonjorn@escambisenoc.org
La publicarèm aqui, en seguida, tanlèu.

Laisser un commentaire

Votre adresse e-mail ne sera pas publiée. Les champs obligatoires sont indiqués avec *

16 − six =