Agenda escolar en occitan 2022-2023

Agenda escolar en occitan 2022-2023

Deviái comandar mon agenda coma cada annada, en junh, per mancar pas las datas venentas…Ai gardat la costuma del escolar…(Alara que soi retirada !)
Aguèri lo bonur de veire l’espectacle de tria : « N’i a pron », amb Laurent Cavaillé e Marie Comens, que vos recomandi !  


E, ò ! suspresa, sus una taula dins la cava de vins, ont se debanava la serada, vegèri  d’agendas escolares per 2022/2023,  a la venda… per l’edicion Terrairòl.
Un fòrça polit agenda en occitan, amb una pintura remirabla sus la cobèrta.
Pintura d’ Isabèla Marsala
(intitolada : L’estaca).


Sa dimension me semblèt de las mai adaptada ! (17×22 cm).
Corina Lhéritier nos donèt d’explicas : Una setmana completa, sus una pagina dobla.
I a de plaça !
E per las vacanças : de jòcs, copacaps, sudokus, d’entrevistas, de recèptas, un fulheton sus l’istòria d’Occitania, de poèmas, d’haïkus, de reportages, de ligams, d’asenadas …
L’ai comprat sulpic, e veni de l’agachar de mai prèp. Lo tròbi foncional e agradiu.
Es pr’aquò que ne fai la reclama.
Son prètz : sonque 6 euros ! Benlèu un pauc mens ?
Lo podètz trobar aquí amb lo ligam çai dejós,  per lo comandar :
https://terrairol.wixsite.com/terrairol/agenda-escolara

Cal far la bona causida a la comanda.
Vacanças : Son adaptats per cada zòna : la A, la B o la C.
Dialèctes : Çò meteis per la pagina dobla de conjugason, adaptada segon los dialèctes.
Mas mèfi … (Informacion de Corinne)
« zònas A, ne demòra pas qu’1 o 2  e zòna B agotada : n’i a pas pus !
I a un modèl « sens vacanças », amb una presentacion diferenta : setmana sus una pagina e paginas ludicas tot al long de l’annada. Aquel modèl va de setembre 2022 a fin d’agost 2023. I a tota l’annada ! »

Dison qu’es plan pels enfants dels cicles 2 e 3.
An doblidat de dire qu’es plan tanben :
–   pels retirats e totes los qu’an un molon d’activitats !
–   pels que vòlon pas mancar quicòm d’important !
–   e pels que son pas tròp afogats dels agendas informaticas.

Benlèu que caldrà reservar per avança per 2023/2024 !
Quina capitada ! (Tròbi qu’es plan meritada)

2 réflexions sur « Agenda escolar en occitan 2022-2023 »

  1. Vos pòde dire que los que vendràn l’Universitat Occitana d’Estiu de Nimes trobaràn aquel agénda en venda à la librariá de la MARPOC.

    1. Grandmercés a Patric e a la MARPOC.
      Pensi qu’es un polit present de far abans la dintrada !
      E…Una rason de mai per anar a l’UOE !
      Cristina

Laisser un commentaire

Votre adresse e-mail ne sera pas publiée.

dix − six =