Zima
Grop de musica russa tradicionala e tzigana.
Lo dimenge 21 d’agost, aguèri l’astre d’anar a la Volta, una sala de Sant Seriès, prèp de Lunel, ont se revèlan un molon de descobèrtas culturalas, mercé a Isabelle e Stan.
Aqueste ser èra lo grop de musica russa : Zima. Son quatre musicaires e cantaires de tria.
Dos òmes : Etienne e Youra, e doas femnas : Natassia e Tatiana.
Lors instruments : Balalaïkas, violon, guitaras, e la votz.
De cants de Russia, de Hongria, de Romania, cants d’amor, cants tziganes…
Cants de trabalh amb de pichonas percussions :
Foguèt una fòrça polida serada.
La compra de lor CD permet de perlongar aqueste bonur !
Se titola : « Ont es l’isba ? » Amb sas patas de galina, pensi qu’es l’isba de la Masca russa : BabaYaga !
Son a preparar un espectacle de contes russes ! De mancar pas…
A mon vejaire son excellents !