Dictada occitana a Sant Ponç de Tomièras
La dictada occitana dins Erau se debanèt a Sant Ponç, per la setena annada.
Dictada mai corta pels enfants e mai longa pels adultes.
Mercé a las doas Associacions : La Dralha Sanponesa e a la Burla de Lesenon.
Un grand mercé a Maria Teresa per sos esfòrts de diccion, e d’èsser tornada legir mantuns còps, per nos ajudar del mièlhs possible.
Animacions pendent las correccions :
Un grop de dançairas : de las mai jovenetas a las joventas.
Un sceneta de Padena amb la Topina…( la reconeissètz ? )
La remesa dels prèmis a totes los participants. Sens oblidar lo diplòma… de la Dictada
Grandmercé a totes. Mercé als organizators. Foguèt un moment agradiu de paratge e de convivéncia.
Moment ont se parla la lenga, escambis entre totes, enfants e adultes.
Òsca e a l’an que ven ! Es encoratjant per s’entrainar encara mai.
Per favorisar l’entrainament a las dictadas anam demandar als responsables de las dictadas que o vòlon plan de nos mandar las dictadas a : bonjorn@escambisenoc.org
sos doas formas :
– Oralament : las dictadas en mp3
– e los tèxtes per corregir après, en pdf, o dins word.
E los difusarem dins una pagina especiala del Blòg.
Grandmercé a eles, per avança.