La Dictada 2024
Coma cada fin de genièr aquel 27 se tenguèt la Dictada. L’I.E.O d’Arièja e lo Cercle Occitan de Foish nos aculhiguèron.
Èrem un trentenat a nos far caufar la comprenèla jos la lectura benvolenta d’Annia.
Aprèp la dictada agachèrem « La Lenga Defenduda » un filmòt enregistrat en Avairon. Per agachar lo film clicar sus lo ligam: La lenga defenduda. Dins l’espèra de la correccion èrem solide totas(totes) dins l’angoissa e l’estrès.
Aprèp la remesa dels prèmis l’espertin nos esperava
Capelada a totas(es) aquelas(es) encaparruts e pacientoses que s’emplegan per nos afortir dins la lenga nòstra que de còps semblam de pauc aprene e de mal assabentar.
Semenatz, semenatz, sai que ne grelharà ben qualques brots. Se se fan pas rosegar pels lapins.
Trobarètz çai dejós la dictada se la volètz far.
Vos la legissi a ma mòda. Escotar lo tèxt: clicar sus Escotar
Escotar la dictada: clicar sus Dictada
Per veire lo tèxt de la correccion: clicar sus Tèxt
3 réflexions sur « La Dictada 2024 »
Un grand mercé a Joan-Pèire per la trasmission e lo registrament. Es un trabalh gròs per l’autor de l’article, mas es fòrça interessant per nosautres. Ajuda per saupre ont ne sèm …e precisa sus que dèu portar la nòstra atencion.
Encara mercé. Espèri la poder far en presencial, l’an que ven. Tròbi lo tèxte polit mas es longa ! Que que ne siá, val lo còp de o far.
Cristina
Adieu. Se pòt far per tròces.Ai capitat de cambiar MP4 en MP3 coma me l’aviás marcat. Aquò marcha òsca!
Vau conselhar al grop de trabalh de Somèires, de o far per tròces. Puèi d’i tornar un còp tot corregit per mai ancorar las causas que trantalhavan. Se fan tot d’un còp, poiriá èsser descoratjant per eles.
E puèi, per s’entrainar, tornar trobar las dictadas de l’an dabans, que son sul blòg.
Seriá plan cada annada de ne botar qualques unas.