Crostada de pomas amb de la pasta a pan sucrada
Ingredients :
- Pomas a coire (ai utilizat de reinetas del Vigan)
- 100 g d’avelana
- aiga
- 2 uòus
- 2 CS de sucre
Per la pasta
- 0,25 kg de farina
- 0,5 CS arasada de sal de mar gròs
- 1 CS de mèl
- 3 CS de levam
- Aiga tebesa
1 mòtle a crostada
Començar per la pasta 12 h avant la coseson
- Far fondre la sal e lo mèl dins l’aiga tebesa
- Mesclar la farina e lo levam
- apondre pauc a pauc l’aiga sus la farina, mesclar tot lo temps fins a que la pasta siá elastica e pas pus peganta
- Botar dins lo mòtle al mens 12 h (dins lo forn apagat es plan)
La crostada
- Lavar, pelar e amenudar las pomas, botar sus la pasta
- Mixar l’avelana amb un pauc d’aiga, lo mescladís deu èstre cremós
- Puei apondre los uòus e lo sucre
- Mixar e versar sus las pomas
Far coire al forn a 180° pendent 45 mn
Es plan tanben per coire dins un forn a pan.
