Devinalha 123
Carn defòraCamisa pel dintre,Mai viu e mai ven demesida. De qu’es, de qu’es?Pichòta ajuda per vos portar de lum: avètz pas que de legir lo talhièr d’escritura del mes lo mot i es dedins.Avètz pas trobat clicar sus solucion.
« Avenidor » es lo mot del talhièr d’escritura per Genièr
Mandar lo tèxt per email,a : bonjorn@escambisenoc.org, amb la vòstra adreiça email, e las informacions complementàrias seguiràn.
Talhièr d’escritura per Decembre
Liure Soscadissa sus la relativitat de las causas… (Cristina) Qualques exemples de Problèmas e de Recèptas de remediacion : N.B. : Benlèu que basta de cambiar son vejaire per èsser mai urós !Cristina Lo Viatge de Nadal (Joan-Peire) Un lapin Lapon, Patapim-patapon, Se volguèt anar veire, Lanlira-lanlèra, Jeanòt son cosin Cavalet-cavalin, Qu’aviá la cauma dels trins. Sus »charra-carri »* trapèt Cavalin-cavalet, Un viatge exprès A còsta-non-res, Levat que caliá donar la man, Patapim-patapam, Al vièlh abarbassit Que menava la lisa, Cotilhon e…
Devinalha 26
Un trentenat de sorretasAssetadas en rengueta,De la pluòja sempre aparadasMas çaquelà totjorn banhadas. De qu’es, de qu’es? Per la solucion cliquar: solucion
Los Cafès d’Òc de Someire
Lo Cafè d’òc passat aguèrem lo plaser dins una serada de tria al « Jaz Corner » d’ausir Felip Carcasses e Maria Frinkins dins lors interpretacions de cançons de Georges Brassens. Nos expliquèt Felip cossí los tèxtes de Brassens son pas de bon revirar en Occitan e que, per respectar la metrica, li cal de còps cambiar las paraulas. Es atal per exemple que dins los esclòps d’Elena « LesTrois Capitaines » ven lo « Sergent que rena ». Las paraulas demòran chucosas e los acompanhaments…
Devinalha 25
Au bòsc naisAu prat paisA la vila cantaDe qu’es, de qu’es?Pichòta ajuda: la maquina de lavar la farda ne ten un.Per la solucion clicar: solucion
Devinalha 23
Blanc coma un lençòlNegre coma un pairòlTrepa coma muòlDe qu’es, de Qu’es?Pichòta ajuda : es un aucèl! Per la soluccion clicar aicí: soluccion
La Petanca celèsta
Quand partiguèt la fusada al mes de Novembre 2021 s’agissiá pas de se mancar, de far la « masanca* », coma o disiam a la petanca d’un (o d’una) tiraire que mancava las bòchas que non pus, que t’auriá pas desquilhat un ase dins un corredor. Non, s’agissiá pas tanpauc de tirar a rabaleta, de portar la bòcha o de venir docetament tetar lo lé! L’amira èra de tustar plen fèrre, de quichar un carrèu a 11 millions de Km de la…
« Canhòt », talhièr d’escritura per Setembre
« E qu’es aquò? qu’es aquò? » (Florença) Èri tranquilament assetada sul banc situat a qualques metres de l’ostal. Lo darrièr de ma passejada. Demòri dins un vilatge ont i a encara d’atencions pels vièls que pòdon pas mai caminar. De bancs amb de punts de vista de tria pròches los uns dels autres per s’assetar sovent. Aquestes me permeton de far ma sortida jornalièra. A cada pauseta vesi la val, los castanhièrs, los bancèls e las amassadas alunhadas.Tot mon passat es…
Devinalha 22
Ne vaquí tres per lo pretz d’una (sacat de Contes de Gasconha de Joan-Francés Bladèr) Lo Gojat e la Grand Bèstia del cap d’Òme. Vaquí las tres questions que pausa la Grand Bèstia: Va mai lèu que los aucèls, mai lèu que lo vent, mai lèu qu’un lambret, de qu’es de qu’es? Lo fraire es blanc, la sòrre es negra. Cada matin, lo fraire tua la sòrre. Cada ser la sòrre tua lo fraire. Ça que la morisson pas jamai….