Devinalha 523
Sens bast ni cabestre aquel bon ase pòrta tot çò qu’òm i bota dessús. De qu’es, de qu’es? Pichòta ajuda: cossí vos dire, en una frasa, en qualquas linhas vos poirai pas l’escriure. Per la solucion, clicar sus: solucion
Ròts, lofas, pets e autres vents
La novèla s’es espandida coma un pet sus una tela cirada, la cor dels comptes n’es venguda a n’aquela conclusion : I a tròp de vacas que banejan (quand n’an) pels prats (quand i son). Aqueles calculaires, del ben aise de las bestias se’n chautan, de las condicions de maselatge se’n baton, non çò que los tafura es qu’aquelas romiantas participan de tròp a l’emission de metan! E doncas es pas complicat, çò dison, ne cal demesir la consomacion de carn…
Devinalha 423
Se dona e se prenSe leva e se tenSe demanda amorosamentDe qu’es, de qu’es?Per la solucion clicar sus: solucion
Talhièr d’escritura de Març
VanèlaL’estrechura (Joan-Peire)Passat la torn vièlha la vanèla comença. Se resquilha entre lo barri, autres còps de defensa, e la paret òrba de peiras que fa l’esquina d’un magazin. De tant estrecha qu’es, lo solelh i lusís pas jamai, lo cèl dins la nautor sembla pas qu’una prima lesca de blau e s’i pòt pas passar aisidament de front a dos. Se per azard s’i enregam al meteis temps cadun d’un costat, es pas pro pena de s’entestardir, lo melhor es…
Devinalha 323
Ritz en davalantPlora en montant Pichòta ajuda: cal far atencion de lo negar pasPichòta ajuda de l’ajuda: quand tomba una chavanassa podèm dire que tomba a …..(non pas a semal l’autre)Per la solucion clicar: solucion
Cor, cor neneton !
En Lituània es la tradicion de far de corsas de nenetons, se fa tanben als Estats-Units o en Canada. Vos vau far un resumit de l’eveniment.A man esquèrran de paires, de maires o autres retenon los nenetons a l’espèra en rengueta. A man dreita, a qualques metres, d’autres fan veire orsonets, petetas, tetarets als merdosets per los atraire al pus lèu.Atencion, 3, 2, 1, anatz ! La corsa es començada. Un sembla i anar puèi se’n torna, l’autre ranconeja, lo tresen…
Talhièr d’escritura de Febrièr
Plantat Plantièr e estacareda (Ròsa) Plantat. L’avèm plantat lo plantièr dins lo canton de la Plantada a Besièrs. De qué èra fach aqueste plantièr ? D’olivièrs joves estacats a un pal de castanhièr… Alara èra una estacareda. Benlèu dins l’estacareda de mon grand i aviá pas pus d’olivas, mas la plantèt, el o son paire, o son grand o son reire… Èra pas a Besièrs mas dins la plana d’Erau, un villatge ont se ditz que lo flume sortís tres…
Devinalha 223
Qu’es aquò qu’es per lo campAmb la gòrja badant? Per la solucion clicar: solucionPichòta ajuda: mai que mai son de peiras secas.
De Quala color ?
Sai que seriá pas de negre Coma grana de sambuc, Mas de la de la persèga Que n’a la doçor del chuc? Benlèu de la del blavet Tal bocinèl de cèl blós, Tant lo sembla bèure a galet Quand clantís son rire gaujós? Es qu’es color del jansemin Que sa pèl n’a la nolença, Qu’es son perfum qu’a la perfin Me demòrra a sa partença ? De la d’una flor de tapèra Que de l’aspre d’un boton Ven florir entre…
Talhièr d’escritura per Genièr
Avenidor L’Avenidor es amagat, coma las brasas dejòs las cendres… Dejós las cendres, la brasa…Te caldrà bufar,Plan suaudament,Tot doç,Per reviscolarLos tròces de mon còr e de mon còs,Trobaràs sonque de micas,Escampilhadas,Que s’amagan,Per manca de calor e d’amor.Te caldrà tornar trobar,Un per un los òsses,De mon esquelèt,Per fargar ,Mon novèl rastèl d’esquina,E alenar dessús,Per li donar vida.Doblides pas ton mocador,Per eissugar,Mas ploradissas.E recebre un paure sorrire.Cristina (24/12/2022)Tota semblança amb un conte conegut, seriá pas un azard…Nimai tota semblança amb un extrach…