De qu’es aquel otísQue dintra sec mas trempe sortís,E que de tant que lo brandissesNe fa fòrça regiscladisses? Pichòta ajuda: val melhor pas se’n manjar un, o sap ben lo pofre! Pas cap de michanta idèa.Per la solucion, clicar sus: Solucion
Foguèt un temps, dins quasi cada fogal del mond rural, se fasiá venir un pòrc. Aquel temps lo coneguèri pas. Me faguèron veire la soda al fons del magazin, tot en bas de l’ostal, ont s’i donava lo farnat. Dins aquel clastron estrech e sorne lo tesson deviá tornejar de longa entre las quatre parets. Paure d’el! De verai, lo caliá escotelar, lo sagnar e amb l’ajuda del vesinatge tot adobar. Per la familha, los amics èra una festa, solide…
Desvestits los espaurugals, sus la palha los pelhaires, l’a decidit lo govèrn van donar d’ajudas a las/los que vòlon far petaçar lors vestits! Per legir lo projècte de lei: bònus per lo petaçatgeSembla una fòrça bona idèa que, de verai, s’escampan tròp de causas que pòdon encara nos far mestièr. Fa bèl temps que se n’es avisat nòstre Petaçon Occitan, el que son vestit es clafit de petaçes. O sap ben : Un bon petaç fa durar las pelhas! Baste qu’aquela…
De qu’es aquela lauradaOnt la relha i es pas jamai passada,Que fa lo jaç del passerat,Qu’es pas un camp, tanpauc un prat? Pichòta ajuda: es pas una lausada, mas n’es pròche.Per la solucion, clicar sus :Solucion
Dempuèi mai de dos meses, e mercé a totas las còlas de benevòls que se levan lo mafre per far espelir totes aqueles eveniments a l’entorn de l’Occitan, Total Festum Festeja! Ne vaquí lo testimoniatge de çò que se passèt al mes de Junh a Montbrun Boscatge, vilatge de Garona Nauta pròche d’Arièja. Òsca a totas e totes! UNA QUATRENA JORNADA OCCITANA A MONTBRUN BOSCATGE « CANÇONS E PARAULAS DE FEMNAS » UNA JORNADA DEDICADA A LAS FEMNAS I aguèt…
Una copadura (Cristina) El, voliá pas copar,Sonque una parentèsi,Tota doça,Pes nuses sus mossa mofla. Ela, èra pas d’acòrdi.« Te cal causir,Trencar l’entreviu ». El, somiava de talvera,Entre tèrra e camin,Una autra via… Fin finala,Es ela que decidiguèt.Una copadura neta e clara.Se desmaridèron !………………………………………………………………………….. L’istòria d’una copadura (Rosalina)Quand èri joventa amb mos amics per las grandas vacanças, nos retrobaviam à l’ostal de Nicòla. Èri assetada sus un escabèl. Fasiam un molon de causas (Jòcs, charradissas…)D’un còp lo Regis me faguèt tombar de l’escabèl.Vaquí…
Sens camba ni genolhCorrís coma un mabol,E dins sa caminadaQuita pas cap de pesada. De qu’es, de qu’es? Pichòta ajuda: Quin pòt saupre cossí va repaumar la bofiga (Provèrbi d’en çò nòstre) Solucion: per la solucion clicar sus: Solucion
Una crida per cada jorn » (Catarina E.) Lo diluns, tot primièr, per dire bonjornA l’ostal, al trabalh e ont que siá quand ne fasèm lo torn.Lo dimars, per reglar los afars encara e totjorn.Lo dimècres quand escotam lo discorsDe l’assemblada e qualques falords.Lo dijòus, cridam emai foguèssem pas sordsE quand arriba lo divendres, pensam a las florsEn venda aquí e alhors.Lo dissabte es plan melhorDe pensar a l’amor, Las cridas e los crits (Cristina)I a un molon de cridas demandadoiras,…
Sens bast ni cabestre aquel bon ase pòrta tot çò qu’òm i bota dessús. De qu’es, de qu’es? Pichòta ajuda: cossí vos dire, en una frasa, en qualquas linhas vos poirai pas l’escriure. Per la solucion, clicar sus: solucion
La novèla s’es espandida coma un pet sus una tela cirada, la cor dels comptes n’es venguda a n’aquela conclusion : I a tròp de vacas que banejan (quand n’an) pels prats (quand i son). Aqueles calculaires, del ben aise de las bestias se’n chautan, de las condicions de maselatge se’n baton, non çò que los tafura es qu’aquelas romiantas participan de tròp a l’emission de metan! E doncas es pas complicat, çò dison, ne cal demesir la consomacion de carn…