Flabuta/Tonton contra Galobet/Tamborin?

Flabuta/Tonton contra Galobet/Tamborin?

Fa un brave moment qu’aquò me tafura. Cossí se fa qu’i aja tan de semblança dins lo jòc entre lo coble Flabuta/Tonton (Gasconha, Bearn) que se jòga d’una flaüta de tres traucs tot en tustant sus un tamborin de còrdas:

e lo Galobet/Tamborin (Provença) qu’es lo meteis biais de jogar, cal bufar dins lo galobet de tres traucs tot en « tocant » lo tamborin dison los tamborinaires

Traparètz las explicas dins las doas videos venentes. Nos explica André Gabriel, un virtuòsa del galobet qu’aquelas flaütas tamborinas èran fòrça espandidas dins l’Europa de l’Atge Mejan. Occitània n’a servat la costuma en Gasconha e Provença. Las doas videos son un pauc longuetas mas son de veire, tancatz vos mofles dins vòstre radassièr e bona escota, ieu me siái congostar de l’umor e de la virtuositat d’aquel òme.


Vos parli un pauc de musicas tradicionalas que vos cal saupre que dins l’encastre de l’Associacion Coriande se bota en plaça a Somèires e dins los alentors:
– un talhièr de musicas tradicionalas (cal venir amb son instrument e fai tirar la musica!)
– un talhièr de cant (cants tradicionals del mond) cal venir amb sa votz pas mai.

entresenhas : admin@coriandre.info, sus aqueste blòg o lo 3 de Setembre 2022 a la jornada de las associacions. Venètz nombroses!

Laisser un commentaire

Votre adresse e-mail ne sera pas publiée. Les champs obligatoires sont indiqués avec *

seize − sept =