Lo crit de la carròta

Lo crit de la carròta

retorn sus legida

«les émotions cachées des plantes» Didier Van Cauwelart

Resumit

A travers de testimònis, d’istòrias e de recèrcas Didier Van Cauwelart nos parla de las plantas e sas emocions. Que se passa quand una planta es expausada a una persona qu’imagina cremar una de sas fuèlhas ? Produsís de calci. Es a dire que l’òm a pas encara fach qué que siá, tre lo moment de l’imaginar, la planta a legit dins sa pensada. Es l’inventor del detector de messorga que descobriguèt aquò. Faguèt un molon d’experiéncias sus sas plantas, coma s’en anar passejar amb un cronomètra que li indicava qu’èra l’ora de tornar al trabalh. E las plantas sabián a la minute que cambiava de direccion. I a tanben un agricultor qu’expausa sas plantas a de musicas diferentas amb un efièch diferent s’es de musica classica o de metal. Nos parla d’un agricultor mexican que comunica amb los arbres e los planta per far plòure. I a tanben d’informacions sus las plantas que parlan als chamans d’America del Sud per lor dire quinas plantas e cossí las prendre per curar una malautiá…

Evidentament nos parla dels cercaires materialistas que son totjorn de dire que tot aquò es afabulacions. Per exemple lo bòsc plantat per l’agricultor mexican que faguèt plòure foguèt arrancat… Es de pas creire!

L’autor

Escrivan fecond, autor de teatre, scenarista e libretista escriguèt mai de 45 livres e foguèt recompensat per 17 pres literaris. S’interèssa a un molon de tematicas en particular la natura, l’ecologia e l’interconnexion del monde.

Retorn sus legida

Ai legit lo libre dos còps de seguida per de que i a un molon d’informacions que confirman çò que sabi ja mas tanben un fum de descobèrtas. Per exemple que lo pissalach fa de flor per las abelhas e pas per los fruches per de que es autofertil.

Tot aquò m’agrada pas tant qu’aquò perque pòdi pas mai ignorar que la carròta sofrís quand l’ortalièr l’arranca alara quand la mangi 0_0!

Mas es la confirmation que tot es ligat e cal l’acceptar al pus leu.

Laisser un commentaire

Votre adresse e-mail ne sera pas publiée. Les champs obligatoires sont indiqués avec *

dix-neuf − 18 =