Aquel disabte 16 de Març la Baragonha èra convidada a Mureth per festejar lo carnaval de la Calandreta. La bestia totemica de San Cristòu, acompanhada de la còla vestida de petaçon èra aprestada de bèl. Amb los Baragonhets coma devancièrs s’encaminèron pel passacarrièra coma de costuma comols de vam e d’estrambòrd. Foguèt per ieu un plaser vertadièr de los tornar veire. A totes, òsca e al còp que ven!
Foguèt un temps, dins quasi cada fogal del mond rural, se fasiá venir un pòrc. Aquel temps lo coneguèri pas. Me faguèron veire la soda al fons del magazin, tot en bas de l’ostal, ont s’i donava lo farnat. Dins aquel clastron estrech e sorne lo tesson deviá tornejar de longa entre las quatre parets. Paure d’el! De verai, lo caliá escotelar, lo sagnar e amb l’ajuda del vesinatge tot adobar. Per la familha, los amics èra una festa, solide…
La dictada occitana dins Erau se debanèt a Sant Ponç, per la setena annada. Dictada mai corta pels enfants e mai longa pels adultes.Mercé a las doas Associacions : La Dralha Sanponesa e a la Burla de Lesenon. Un grand mercé a Maria Teresa per sos esfòrts de diccion, e d’èsser tornada legir mantuns còps, per nos ajudar del mièlhs possible. Animacions pendent las correccions :Un grop de dançairas : de las mai jovenetas a las joventas.Un sceneta de Padena amb la…
Quand partiguèt la fusada al mes de Novembre 2021 s’agissiá pas de se mancar, de far la « masanca* », coma o disiam a la petanca d’un (o d’una) tiraire que mancava las bòchas que non pus, que t’auriá pas desquilhat un ase dins un corredor. Non, s’agissiá pas tanpauc de tirar a rabaleta, de portar la bòcha o de venir docetament tetar lo lé! L’amira èra de tustar plen fèrre, de quichar un carrèu a 11 millions de Km de la…
Lo Bachàs (Joan-Peire)Dins aquel pesquièr, pecaire, s’i amolonan de vièlhs codenoses, de joves o joventas atendresits, o mai que pòdon. La mangisca i es a bodre, la temperatura doça, mas aquò empacha pas tot aquel mond de se carpinhar per de senserigalhas, de se cercar garolha per de pas-res. Sai que non, vòli pas parlar d’aquelas nautas assembladas de la nòstra republica que de còps semblan s’i acampar una banastada de crancs, non vòli parlar d’aquels pesquièrs qu’i son arribats de milanta…
Lo Talhièr d’escritura contunha… S’agís de fargar un tèxt jos la fòrma que vos interèssa lo mai : pròsa, poèma, teatre, asenada, devinalha,…Un bon biais per trabalhar la lenga. Mandar lo tèxt per email,a : bonjorn@escambisenoc.org, amb la vòstra adreiça email, e las informacions complementàrias seguiràn.
Encara un moment de tria que passèrem aqueste 9 de Febrièr al cafè Occitan a la cava dels vinhairons de Somèires qu’i èran prevists l’aligòt e una serada de contes. En primièr preparacion colegiala del repais, talhièr de trufas, òc ben las cal pelar, o talhièr d’ensalada verda o talhièr d’ensalada de fruchas, a cadun sa causida. Un moment ont s’i manejan los cotèls e los escambís en lenga nòstre a cadun son nivèl i pas ges d’embolh. A la…
Lo Concors novèl es arribat! Lo lector del Val vos convida d’escriure una novèla en trobant una seguida a la frasa « Son a mudar, e en descargant lo camion, aquí que te tròban un carton de mai….. »Aquò se pòt far en Occitan se que non en Francès. Trantalhetz pas d’anar veire las condicions sul site « Lo Lector del Val » Poiretz tanben comandar los recuelhs de las annadas d’abans acompanhadas de lors CD. Sufís de mandar un mèl a: info@lecteurduval.org. De…
Retrobarem los talhièrs de dança, benlèu :– Amb Renat ?La Correnta de las Valadas occitanas italianas…– Amb Catarina ?Viatjarem en Israèl. Dejós los palmièrs, anarem amassa, posar l’aiga…http://www.youtube.com/watch?v=F0HDKA3IaKs– O d’autres animators ? 2. Lo repais partejat :Aprèp los talhièrs : la pausa pel repais partejat !Es agradiu de se pausar totes, a l’entorn d’una taulejada, e de partejar, la mangiscla e los mots. Vertadièra farandòla de plats salats, sucrats, que tòrnan per èsser tastats ; escambis de recèptas…un bon moment de charradissa. De botelhas, de las bonas, per…