Rampèl, per Abril : cussonPer Mai : capgròsPer Junh : desrovilhar S’agís de fargar un tèxt jos la fòrma que vos interèssa lo mai : pròsa, poèma, teatre, asenada, devinalha,…Un bon biais per trabalhar la lenga.
« Borrut« La complancha de l’ase (Cristina) Borrut, testut, caput,N’escampetz pas pus,La cort es comola ! Perqué botar una carròta,Per nos far avançar ?Cresèm pas pus al Paire Nadal ! Mos fraires e ieu,N’avèm pron,De rescaufar los nenons,Dins las grèpias,Per Nadal. An pas acabats de butar ?Los volèm far caminar,Sus las nòstras esquinas,Que valon plan,La de la Modestina !Borruts, testuts, caputs,Ne podèm pas pus ! « Borruts, peluts » (Josie) Apassionada per las istòrias de la Granda Guèrra, legiguèri fòrça sus aqueste periode, volent comprene çò que s’èra passat,…
lo mot: vistalha Vistalha dins lo corredor (Cristina)Odor de sopa,Vistalha lo corredor,Perfum d’enfancia. Borbolh d’aiga,Clic-clac de molineta,Molon de sentors. Flash dins lo passat,Mameta plan clinada,La sopa passa. La demanda (Joan-Peire) Èri dintrat d’ora per m’alestir en çò mieu, un conapt de classe 4, que la renda me costava un braç dins aquel immòble. Una docha a la lèsta, me pimpalhèri dins la sala de banh, n’i aviá una dins los de la classe 4, e me metèri de bèl per…
A Maria Roanet e a los/las que nos fan aimar la lenga A qui lo vòl prene per lo levar parièrDaissan lo brandon los cranes davancièrsD’una lenga vesiada portaires primièrsNon seretz pas mai mòrts tant qu’auretz d’eretièrs.
Anthologie de la poésie féminine en langue d’Oc« Semenan de mots,S’envolan d’imatges,Crits de poètas. »(Cristina Barnier) « Partez à la découverte de la poésie contemporaine en langued’òc : gascon, provençal, limousin, auvergnat, languedocien,aranais, vallées occitanes… plus de 70 poétesses rassemblées en deux ouvrages… de nombreux poèmes sauront vous surprendreet vous faire voyager… ici la femme reprend sa place ! »Auteure : Paulina Kamakine(coordinatrice du projet) Per mai d’informacions sul siti de Paulina Kamakine :http://www.paulinakamakine.fr/
Lo mot : Fòto La fòto (Sèrgi)A qué pensava en agachant sa femna sus la fòto? Que l’aviá aimada totalament, absoludament, fòlament.E qu’aquel amor, o viviá sol d’ara enlà. Void, desèrt, sens escambi possible. Lo contrast èra sasissent entre aquel moment de bonaür total sus la fòto amb lo risolet de sa benaimada e la tristesa desgostada qu’esprovava en se disent qu’aquel temps tornariá pas jamai pus, aquel temps aviá definitivament desaparegut. Agachava la fòto en esprovant dos sentiments. Renegava…
Dins lo cèl de ma boca, explosion de sabors, qu’espelisson.Me menan, al mai prigond, dins lo fins fons, d’un bòsc luminós.Prèp de la mandra rossela, abrigada, jos un romegàs d’amoras.Granas, que cabussaràn, fins finala, dins lo cauderon coirat.Ailà se tresmudaràn, en una chucosa golardisa : la confitura d’amoras !(Cristina)
« Dans le cadre la Semaine occitane dans le Gard, la Marpoc fait redécouvrir la vie et l’oeuvre d’Antoine Bigot, né il y a 200 ans en 1825. » Midi Libre (30) « Una carrièra pòrta son nom près del Semafòr, son estatua es installada als jardins de la Font, una placa rampèla sa memòria, carrièra de Générac ont es nascut… Nasquèt en 1825, fa 200 ans, Antoine Bigot èra lo poèta dels obrièrs e dels paisans, dels rachalans que…
Las castanhas (Sèrgi)« Aqueste, ne farèm quicòm se los pòrcs lo prenon pas per una castanha ».Segur qu’o aviá ausit un e un autre còp de son pepin. E se l’umor a repeticion de l’aujòl agaçava de mai en mai la familha, el, l’aimava ben. De las castanhas, lo sovenir qu’aviá remontava a cada auton, quand las fuèlhas començan de s’emporporar e de jaunir, quand la tèrra sent encara mai la tèrra quand lo pè la cauca. N’anavan amassar amb son pairegrand…
Adaptacion estivala Que t’aimi calorassa,Fas presar lo fresc,Quand arriba l’ombreta. Cal estirar la garra,Jos lo calimàs.Alentir jos l’ombrada. Ela, gola badanta,Bèu lo solèlh, puèi,Correjòla, s’amaga. Auriòl tot prèp del cèl,Fiula al cimèl,Se cala tre que venèm. La nuèch, arriba la luna,Frescor s’installa,Chut, dins l’escur, pas de bruch ! Cristina (10/07/2024) Per ausir l’auriòl, dobrir lo ligam, puèi lo mp3…dins lo vòstre lector multimedia. Bona escota ! https://sonotheque.mnhn.fr/sounds/mnhn/so/2021-1259