De qu’es aquò, de qu’es aquò? De qu’es aquela tinetaSens cap de tap ni de dosilhQue se pòt pas far téner dreitaTan brisarèla qu’un prim fil. Pichòta ajuda: i trobaretz lo clar e lo ros Avètz pro manjat de favas, per la solucion de clicar : solucion
Ressèga (Cristina) Pauc a cha pauc, sa vida venguèt una ressèga. Una mena de sansònha repetitiva. Lo meteis refranh, lo meteis ritual emplenèt sa vida :– A 7 oras, se levar– A 9 oras, lo jornalet de legir.– A 12 oras, lo jornalet del fenestron.Puèi, la sansònha de mièjorn, per la femna : « Venes manjar ? »– A 2 oras, la prangièra. La ressèga coma lo bruch de la rèssa : Rrric, Rrrac, Rrric, Rrrac,…– A 5 oras, sortir lo chin.– A 6 oras :…
Òc ben, aquela comptarà per una. Arte, cadena internacionala nos fa veire un reportatge sus la musica Occitana mas pas cap vista coma una cultura polsosa, mas puslèu coma una cultura actuala. Es a dire que s’i pòdon reconéisser lo mond de l’ora d’ara. De veire sens relambi per vos faire lo vòstre vejaire: Fa bèl temps qu’o sabèm que la nòstra cultura es del nòstre temps, que siá reconegut per de francimandejaires aquela comptarà per una, nos cal faire…
De qu’es aquò? Sus qualques fils tot coma d’auceletsDe còps subran prenon lor voladaQuand d’un bèl aire polidetLas fa s’enaurar una cantada. Pichòta ajuda: Blanc o negre la color i compta per pas res Avètz pro manjat de favas, per la solucion clicar sus: solucion
De qu’es aquò, de qu’es aquò? Pican, picanSon pas las mansPican, picanDe dedal ne vòlon pasPican, picanQuand la donamNos manca pasE pas jamai la nos tornam! Pichòta ajuda: la cambiam dos còps per an.Avètz pro manjat de favas, per la solucion clicar sus: solucion
Arcolan (Catarina) Aquel matin coma de costuma, lo Julon ataulat al fons de la classa, agachava per la fenèstra. Cal dire que las matematicas interessavan pas l’enfant. A el li agradava mai que mai de comptar los parpalhons, los aucèls que volavan tranquillament. Eles al mens èran pas obligats de demorar embarrats de contunh, quin astre ! Clara, la regenta, sabiá pas cossí atraire son atencion. E un jorn, li diguèt : « Julon, de qué te pivèla tant defòra ? »« Dòna, ai…
Aquel disabte 16 de Març la Baragonha èra convidada a Mureth per festejar lo carnaval de la Calandreta. La bestia totemica de San Cristòu, acompanhada de la còla vestida de petaçon èra aprestada de bèl. Amb los Baragonhets coma devancièrs s’encaminèron pel passacarrièra coma de costuma comols de vam e d’estrambòrd. Foguèt per ieu un plaser vertadièr de los tornar veire. A totes, òsca e al còp que ven!
De qu’es, de qu’es? Aquel, descamisat se passeja,Ont a lo cuol, ont a la testa?Partejat a trocetsFarà mestièr per l’anquet. Aqueste còp pas cap d’ajudaAvètz pro manjat de favas, clicar sus: solucion
De qu’es, de qu’es? Redond coma un crivèlLong coma un bedèlVira la gòrja vers lo cèl. Pichòta ajuda: a San Cristòu (d’Erau) de temps en quora ne sortís la Baragonha. Avètz pro manjat de favas? Clicar sus solucion: solucion
Coma cada fin de genièr aquel 27 se tenguèt la Dictada. L’I.E.O d’Arièja e lo Cercle Occitan de Foish nos aculhiguèron. Èrem un trentenat a nos far caufar la comprenèla jos la lectura benvolenta d’Annia. Aprèp la dictada agachèrem « La Lenga Defenduda » un filmòt enregistrat en Avairon. Per agachar lo film clicar sus lo ligam: La lenga defenduda. Dins l’espèra de la correccion èrem solide totas(totes) dins l’angoissa e l’estrès. Aprèp la remesa dels prèmis l’espertin nos esperava Capelada a…