Escambis en òc

Per setembre : jaissar, escupinejarPer octobre : garrolha S’agís de fargar un tèxt jos la fòrma que vos interèssa lo mai : pròsa, poèma, teatre, asenada, devinalha,…Un bon biais per trabalhar la lenga.

Lo mot d’Agost: trepejar La passejada ( Joan-Peire) Alandèri la pòrta en tot. Una aureta matinièra trasiá del campestre d’odors nolentas e pesudas. Lo fuelhum s’eissugava d’una ramada nuechenca. Coma cada matin m’esperava a trepejar sul lindau. M’esperava e m’espiava a la muda lo moviment de las mans. Despenjèri del cròc la casqueta que la metèri sul cap, puèi carguèri la vèsta, es quand agantèri lo baston de caminar que, d’un jap, me faguèt dire qu’ara èra ora d’i anar….

Lire la suite Lire la suite

Lo mot causit serà : trepejar S’agís de fargar un tèxt jos la fòrma que vos interèssa lo mai : pròsa, poèma, teatre, asenada, devinalha,…Un bon biais per trabalhar la lenga.

Rascal (Josie)Jos sas brancas verges de romècFlorís un tapis odorós de reponchonsAprofecham tot l’estiu de son ombratgeQue nos balha sens partatgeNos cobrissent d’una capa naturalaComa una fresca tonèla.Lo solelh e la calor estivencaDins lo cant melodiós de las cigalasAn fach créisser los rascalsPer fin que d’una man agila e expèrtaMa grand causisca las mai polidasAquelas que tombaràn dins son escarcèla.Un còp de martèl plan afustatSus los fruches prèstes a èsser martirizatsSos dets giblats per la vielhesaBolegant et virant amb alegresaColorats…

Lire la suite Lire la suite

Lòna (Cristina) :Èri plan, ièu, dins aquesta lòna !D’èrba, d’aiga, d’abrics e d’amics…O aviái tot ! Qué  demandar de mai ?Mas un jorn, venguèron me prene… per fòrça ! Ai ensajat de resistir, mas podiái pas res faire ! Son venguts ambe de cabals, de còrdas. Èran nombroses…Ai pas pogut luchar longtemps.E doncas me trobèri embarcat dins un camion. Aprèp lo carreg,  me botèron de cordetas blancas, a l’entorn de las banas e un pichon pompon roge, al mièg del front ! Puèi me faguèron dintrar…

Lire la suite Lire la suite