Archives de
Catégorie : Cosinar

Bunhas de flors d’acàcia

Bunhas de flors d’acàcia

Commentaires 0 Commentaire
acàcia

Vos aconselhi :

Per culhir las flors, çò melhor me sembla qu’es de copar las grapetas, amb un pichon secator, daissar un bocin de tija al cap, e ne prendre un desenat, al darrièr moment. De las pas lavar, se que non, pèrdon un pauc de fragança e de gost.

Preparar : Tot çò que vos cal per fargar una pasta de bunhas, de fregir.
A cadun son bias de far, per la pasta.
Per ieu, aquò serà un pauc liquida, que dèu pas tròp cubrir las pichonas flors…

Ingredients :

  • 100g de farina
  • Un blanc d’uòu en nèu
  • Un veire d’aiga tebesa
  • De sucre en polvera
  • D’òli per fregir las bunhas.
  • Ieu bòti pas de levadura ; nimai de flor d’iranjièr, o de qué que siá, per gardar lo perfum subtil de las flors.

Material :
Una padena
De « sopalin », per assecar un pauc lo tròp d’òli

Bunhas

Tenir cada grapeta de flors per la tija, trempar un o dos còps dins la pasta, bassacar per quitar lo tròp, depausar dins l’òli bolhissenta !
Las far rostir de cada costat, rapidament. De pas cremar.

Esgotar sul « sopalin ».
Saupicar un pauc de sucre.

Se tenon per la tija per saborar. De pas manjar lo naut de la tija !

E vaquí,
Bona tasta !

Que far amb las flors de sambuc negre

Que far amb las flors de sambuc negre

Commentaires 1 commentaire

Recoltar las ombèllas, gardar son que las flors, levar lo mai possible lo verd.

Existisson dos Sambucs, lo sambuc negre qu’anam utilizar e lo sambuc èble qu’es toxic. Se cal pas enganhar.

Sambuc èbleSambuc negre
erba verdaarbre amb de fusta
Las flors an de roge e son quilhadas cap al cèlLas flors son totas blancas

Gelarèia de flors

  • 30 ombèllas de sambuc
  • 1 l d’aiga
  • 700 g de sucre
  • 700 g de pomas
  • botar las flors dins l’aiga cauda, far macerar pendant 3 jorns (aquò sentís la pissa de gat pendant un momenton), bolegar sovent.
  • filtrar
  • lavar, amenudar las pomas
  • botar dins l’infusion
  • far còire a bèlas ondas fins que semble a de la gelarèia, color de mèl.
  • Botar en pots

Vin aperitiu

Per un litre de vin blanc

  • 6 ombèllas
  • 1 veire d’alcoòl de fruch a 45° (ai botat de la cartagena, ai a mens de degrats donc la fermentacion será pas tampada).
  • 150 g de sucre
  • metre las flors a macerar dins lo vin pendant 48 oras,
  • bolegar sovent
  • filtrar e apondre lo sucre e l’alcoòl de fruch
  • embotelhar
  • tastar aprèp 40 jorns

Limonada de sambuc

per 5 litres

  • 10 a 15 ombèllas
  • 500 g de sucre
  • lo juc de 5 limons
  • mesclar tot, cobrir amb un toalhon, metre al solelh pendant una setmana, oblidar pas de bolegar souvent
  • quand i a de bodoflas, filtrar e botar dins de botelhas resistentas a la pression coma aquelas de champanhe o desgatsar regulièrament.

Siròp de sambuc

per 4 litres d’aiga

  • 30 ombèllas
  • 4 kg de sucre
  • lo chuc de 4 limons
  • far infusar las flors dins l’aiga cauda amb lo chuc de limon pendant 3 o 4 jorns
  • filtrar, apondre lo sucre
  • far còire a bèlas ondas pendant 20 mn al mens.

Tisana

Far secar las flors per l’ivèrn, es bon per los bronquis.

Lo pan del fenhant

Lo pan del fenhant

Commentaires 0 Commentaire

Quand vesètz qu’i aurà pas pus de pan a l’ostal es lo bon moment d’èstre un fenhant. Generalament se pensa que far de pan es de trabalh fatigant que demanda d’energia e de temps mas en realitat i a dos metòdes : un que necessita un pastament longuet al mens 2 còps 20 à 25 minutas en mai de temps d’espèra e l’autre lo fornièr l’apela lo «respectus» qu’es un autre biais de far. Ingredient numèro un : paciéncia…

Vau vos explicar lo segond metòde…

lo pan del fenhant

ingredients :

  • 1 kg de farina
  • 1,5 CS arasada de la sal de mar gròs
  • 1 CS de mèl
  • 3 CS de levam
  • 1 litre d’aiga tebesa
  • 1 mòtle a còca
  • Ingredients
  • Just aprèp lo mescladís
  • Aprèp 8 oras
  • far fondre la sal e lo mèl dins l’aiga tebesa
  • mesclar la farina e lo levam
  • apondre pauc a pauc l’aiga sus la farina, mesclar tot lo temps fins a que la pasta siá elastica e pauc peganta entre 5 e 10 mn.
  • Botar dins lo mòtle dins un endrech tranquille durant 24 h (dins lo forn apagat es plan)
  • Alucar lo forn a 180° T6 e far còire 1 ora

Lo temps es mai important que l’energia

Florença

Aiga bolhida

Aiga bolhida

Commentaires 0 Commentaire

Recèpta de la Mameta de Nadet (Mercé a Nadet, per la transmission)

  • Ingredients :
  • 8 alhs,
  • laurièr,
  • 2 l d’aiga,
  • 150g de vermicèlis o lescas de pan dur,
  • un uòu per far una maionesa amb un veire d’òli.
  • sal, pebre

Far bolhir l’aiga salada, amb los alhs pelats e lo laurièr. Coire 20 minutas.
Pendent aquel temps montar la maionesa amb lo jaune d’uòu, gardar lo blanc en resèrva.
Apondre las vermicelis al bolhon, e continuar de coire pendent 6 minutas. Escampar dins aquel bolhon lo blanc de l’uou, tornar lèu lèu e coire 2 minutas   
A la fin apondre doçamentonas la maionesa dins la sopa, pebrar. 
Una varianta : en aquesta sason de prima, s’avètz d’espargues, gardar l’aiga de coseson de las aspergues per far lo bolhon de la sopa. 
La dicha consagrada : Aiga bolhida salva la vida.

Que far amb las pampas de rafes ?

Que far amb las pampas de rafes ?

Commentaires 2 commentaires

A la sason dels rafes i a un molon de verduras que s’utilizan pas quand avetz pas de galinas o de conilhs. Alara que se pòt manjar coma legum cuèch. Lo gost es mens fòrt que los espinarcs.

Vos propausi donc una recèpta que vos permet de far o una sopa o una tarta.

rafes

Ingredients:
pampas de rafes
1 ceba
1 culhièra a cafè de cumin
sal – pebre – òli

Tarta per 6 personas
2 o 3 uòus
crema de sòja o vaca
raspat

Per la pasta
150 g de farina
2 culhièra a sopa d’òli
1 uòu
sal – pebre – aiga

Per la sopa
trufas o lentilhas rojas

Se fasètz la tarta vos cal preparar la pasta en mesclant la farina, l’uòu, l’òli, la sal. Apondre d’aiga pauc a pauc per obtenir la bona consisténcia. L’abaissar e la botar dins un mòtle. Reservar.

Per la recepta en general
lavar las pampas,
las botar dins l’estorridoira par las secar
amenudar la ceba
dins una padena apondre l’òli amb lo cumin, far risolejar un pauc a fuòc leugièr,
apondre la ceba far rossir 5 mn
apondre las pampas amenudadas
far coire 10 mn

  • pampas de rafes
  • Sopa de pampas de rafes
  • Tarta de pampas de rafes

Quand las pampas son coitas

Per la sopa
Apondre las trufas amenudadas o las lentilhas lavadas, apondre d’aiga e far coire 20 mn. Mixar e servir caud.

Per la tarta
levar del fuòc
apondre la crema, los uòus
mixar e versar dins lo mòtle
apondre lo raspat en dessus
botar al forn 30 mn a 180° o T6

Se manja caud o fresc amb de la salada e un bocin de formatge.

Còca a las irangetas e almètlas

Còca a las irangetas e almètlas

Commentaires 0 Commentaire

Ingredients per 6 personas

300 g de farina
100 g d’amètlas
50 g d’irangetas (recèpta de la Cristina avant lo chocolat)
50 g de sucre
1 uòu
1 saconèl de levadura
3 culhièrs a sopa d’òli

  • Mixar las almètlas pas tròp finas en daissant de bocins
  • Mesclar totes los ingredients e apondre d’aiga per obténer una pasta a còca,
  • Versar dins
    • un mòtle e far coire 45 mn a 180° T6
    • o utilisar de mòtles a magdalenas o muffins e far coire 20 mn a 180°

Las magdalenas secan mai lèu lèu que lo pastèl gran.

Utilizar tot lo caulet florit !

Utilizar tot lo caulet florit !

Commentaires 0 Commentaire

Salada cruda de flors

Ingredients :
flors de caulet florit
alh
ceba
carròtas
fenolh o nap o pastenaga en foncion del mercat
tomatas secas
cornissons
granas de virasolelh o sesam

opcional :
fromatge o/e lardons

Saussa :
mostarda
òli
vinagre

  • Netejar los legums, los amenudar e utilizar lo mixer amb la lama S per gardar de bocins coma lo coscós.
  • Preparar la saussa, apondre los legums mesclats, e barrejar
  • Daissar una ora abans de manjar.

Sopa de fuèlhas de caulet florit

Ingredients per 4 personas
fuèlhas del caulet florit
ceba
curi
trufas
òli
1 l d’aiga
sal e pebre

  • lavar e amenudar las fuèlhas, la ceba e las trufas
  • apondre dins una padena l’òli amb lo curi, fregir doçament
  • puèi apondre la ceba, daissar fregir 5 mn
  • apondre las trufas e las fuèlhas, daissar fregir 5 mn encara
  • en fin apondre l’aiga e daissar coire un vintenat de minutas.

omeleta amb lo calòs

omeleta de caulet florit

Ingredients :
calòs de caulet florit
carròta
trufa
ceba
1 uòu per persona
òli, pebre e sal

opcional :
lardons o fromatge o arencs e quò e quò

  • calos de caulet florit
    Calòs de caulet florit
  • caulet florit
    Calòs pelat de caulet florit
  • preparacion per l'omeleta de caulet florit
    Caulet florit eca mixat
  • lavar e amenudar los legums, per çò del calòs, i a de levar la pèl qu’es dura e lenhosa
  • dins una padena, apondre l’òli amb la ceba, far fregir doçament
  • apondre las trufas, puèi los bocins de caulet e las carròtas. Far coire 10 mn doçament
  • puèi mesclar los uòus e apondre sus los legums, mesclar un pauc e daissar coire en foncion de vòstre gost per una omeleta
  • se pot manjar amb de la salada verda o un pauc de salada cruda facha amb las flors 😉

Bon apetís !

Irangetas

Irangetas

Commentaires 0 Commentaire

Ingredients per 4 personas :

2 iranges bio (non tractadas)
80  sucre cristalisat
180 g de chocolat negre

  • Pelar las iranges
  • Amb un cotèl, incisar en traçant 8 incisions sus las ruscas/la pèl.
  • Partir d’enaut e retirar cada tròç, en gardant la part blanca dejòs la rusca lo mai possible,
  • Botar dins una caçairòla d’aiga fresca, far bolhir e coire 5 mn,
  • Esgotar, e tornar començar 3 còps. (dins aiga fresca, bolhir 5 mn,)
  • Secar e talhar en bastonets,
  • Far coire 80 g de sucre dins 5 cl ? (disi 10cl ? O mai ? ), fins a obtencion d’un siròp,
  • Botar los bastonets dins lo siròp e daissar coire a pichons bolhons, pendent, 15 mn, 10 mn, puèi 5 de mai…bolegar la caçairòla doçamenet e susvelhar,,,fins a çò que totes sián transparents, benlèu cobrir e bolegar la caissaròla.
  • Esgotar e daissar secar pendent 24h sus una grilha,
  • lo lendeman :
  • Far fondre lo chocolat al banh-maria e trempar las irangetas dedins amb una forqueta.
  • Botar sus papièr sulfurizat per far secar.
  • Las conservar dins una boita ermetica e dins un endrech fresc.
L’avet de Nadal, un polit avet per l’aperitiu.(recèpta de Nadet)

L’avet de Nadal, un polit avet per l’aperitiu.(recèpta de Nadet)

Commentaires 0 Commentaire

Ingredients : 2 ròtles de pasta fulhetada, un pòt de tapenada verda o negra, de grans de vira-solelh, un jaune d’uòu.

  • Desrotlar  un rotlèu de pasta, espandir la tapenada dessus, recobrir amb lo segond rotlèu de pasta.
  • Dessenhar la forma d’un avet, un grand triangle amb un pè 
  • Copar  l’avet
  • Pintorlar amb l’uòu, metre los grans de vira-solelh dessus
  • Descopar de bendas orizontalas d’un cm per far las brancas, atencion de laissar al mitant lo tronc de l’arbre. Torsadar cada branca del avet dusca al tronc
  • Metre al forn pendent 15 a 20 minutas a 180 degrats

Linzertarte

Linzertarte

Commentaires 0 Commentaire

Pas tròp occitan aqueste recèpta… mas un molon de sovenirs de l’enfança e mai de ma tanta qu’èra la mai ligada a l’istòria familiala.
Se pot gardar un mès o mai dins una boita ermetica.

Linzertarte - tarta a la confitura

Ingredients per una tarta de 6

125 g de sucre
125 g de burre
125 de polvera de noses o avelanas
350 g de farina de blat blanca o completa
2 uòus
Confitura de fragostas o fragas

  • Mesclar tots los ingredients levat la confitura (si la pata es trop seca apondre un uòu). Aprèp 3 o 4 oras al refrigerador.
  • Estirar la pata, la botar dins lo mòtle a tarta apondre la confitura. Amb los rèstas de pata e far lo quadrilhatge de decoracion mai fin que sus la fòto.
  • Far coire al forn 35 a 45 mn a 200°.

Se manja fred.