Lo mes de Mai punteja e l’ortalhièr s’esmaia:las favas son fòrça empesolhadas, e l’ensalada s’es trauquejada. ——————————————————————————————————————– Urosament dòna catarineta es a l’obratge, es que pòt pas venir Leònia dòna eiriç? La mangisca es garantida biò. Dòni l’adreiça: Ortets de la Foneta, Avenida de Cuges, Pampaligossa, Occitània.
Es la fin de l’ivern, Leònia torna dins l’òrt, fa un pauc mai caud, alara comença a i aver de que manjar. Aqueste còp rencontra una larva de catarineta, qu’es una bestiòta laidona, negra amb de patas e de punts roges. Le ditz qu’es un pichòta de catarineta, mas coma sembla pas a una galineta del bon Dieu… Leònia dobta de la veracitat de tot aquò. Caty explica cossi espelisson los uòus, çò que manjan las larvas eca eca. Bon visionatge !
Avèm ja cabussat dins l’agricultura 5.1.D’ara enlà te fan venir d’ortalalha dins de fabricas, tal coma, pecaire, de pols o de pòrcs. Aquò se sona la « GeòPonia Rotativa ». Es a dire que te fan faire lo vira-vira a de lachugas o autres legums dins de tunèls a l’entorn d’un lum solelhós tot lo sant clame del jorn e de la nuòch. Aqueles paurets an quitament pas l’astre de conéisser lo beluguejament de l’estelum ni tanpauc lo clar d’una lunada.Aquò se…
L’autre jorn ai vist un parpalhon sus las flors del jardin. Un parpalhon grand, negre, blanc e roge. Es un Vulcan. E justament, i a un article dins la revista «La Salamandre» que nos aprend qu’es un parpalhon migrador. (Fòto : Thomas Bresson) Per que migra lo parpalhon ? La noiritura prigonda de la canilha es l’ortic. A la devalada, lo Vulcan pond seus uòus sus d’ortics. Los uòus son a l’espèra de la prima. Quand la canilha sortís, manja…
A Galargues (34), dins mon vilatge, i aguèt l’inauguracion dels òrts partejats, lo divendres 15 d’octobre.Fa d’annadas que l’idèa aviá grelhada. Ara, es concretizada. La comuna botèt a disposicion un terren municipal que foguèt fòrça trabalhat per desrabar de rasigas prigondas e de romècs… puèi partejat en parcèlas. Lo mond interessats se son senhalats. Una convencion e una charta foguèron elaboradas aprèp concertacion. L’aiga de B.R.L., foguèt menada, mas, èra pas tròp luènh. Tot èra prèst per començar de jardinar,…
Vaquí la sason de metre d’ortalalha dins l’ortet. Lo temps se melhora, lo caud naseja, es lo moment de plantar las pometas d’amor. Au cap d’un moment creisson e fan de sagatas, aquelas d’aqui se pòdon brocar per ne far de plantas novelas per la fin de sason. De veire la video :https://www.youtube.com/watch?v=BEWNNTCOhE4 Cal causir de bròcas pron longas, pensi qu’es melhor de far una copadura propreta (amb un cotèl o autre) Ieu, per capitar melhor, ai costuma d’emplegar d’ormòna…
I sèm, las favas de l’ortet son empesolhadas, ne seràn lèu clafidas. Mas pas encara la carchòfaPas la pena de mai ranconejar, me cal fargar la potinga de « Tua-Pesolhs » de l’ostal!Dins un litre d’aiga apondi: doas culhièras de sopa de savon negreuna culhièra de liquid per far la terralhauna culhièra d’aigardent (per ièu de oisquí, me’n demòra un flòc que capiti pas d’acabar)Aquò per empachar de tròp far d’escuma quand se bolega dins lo pchit-pchit. Puèi n’esposqui la pesolina dins…
La còla d’Escambis en Òc grand merceja : Felip del Collectiu : Fontbona Alternativa per l’ajuda e los conselhs tecnics que nos porgèt. Sens aquela ajuda benlèu que lo nòstre blòg seriá pas nascut. Podètz clicar sus l’image per visitar lo siti del Collectiu. Joaquim Blasco/Quim Candèrs, escrivan, traductor e professor que finta las decas e nos dona las corregidas. Grand mercé a el que nos afortís dins la lenga nòstra. Escriguèt darrièrament, « Cronicas de Camparièrs » que ne podètz trapar…