Archives de
Catégorie : Videò

E.O.E. 2021 : Escòla Occitana d’Estiu

E.O.E. 2021 : Escòla Occitana d’Estiu

Una setmana en immersion dins un licèu, per practicar la lenga dins la vida vidanta.
47a setmana !
Se dabanarà del 15 al 21 d’agost, a Vilanuèva d’Òlt (47).
I aurà de corses, 3 nivèls (A, B, C), 3 dialectes possibles (lengadocian, gascon, lemosin) , normal o intensiu.
Talhièrs, conferencias, seradas, contes, librariá,…

Programa e informacions sul siti :
https://eoe-oc.org/?page_id=45&lang=fr
Doas pichonas videos e de fòtos, per donar enveja :
https://www.youtube.com/watch?v=X1QI3em50-Y
https://fr-fr.facebook.com/escolaoccitanadestiu/videos/353211455629349/
lo dernièr ser, a Vilanòva/Laüsa :
https://www.youtube.com/watch?v=Wne5P6nv0Cs
https://www.youtube.com/watch?v=rpzbtdZjHVc
Se cal inscriure a l’EOE, abans lo 04/08/21 :
https://eoe-oc.org/wp-content/uploads/2021/06/BulletinEOE.pdf

De mancar pas : Leonia e Ricon lo triton (episòdi 9)

De mancar pas : Leonia e Ricon lo triton (episòdi 9)

De mancar pas : Leonia e « Ricou » lo triton (episòdi 9)

https://www.leoniemmeherisson.com/2021/05/29/leonia-e-lo-triton-9/

« Dins aqueste episòdi, Leònia rescontra un estatjant de la lavanha… Avant de tornar dormir s’arrèsta beure un còp e un dragonet sortis de l’aiga ! E òc i a de dragonets dins las lavanhas ! Bon enfin, es un triton. Li va contar cossi se passa la vida dels tritons dins la lavanha, lors amors, la mangisca, lor vida tot simplament.

Garric : la cançon occitana de uèi

Garric : la cançon occitana de uèi

Novel album de Garric : « Solidaritat »

Coma l’arbre que li dona son nom, Garric explora la musica entre las rasigas e lo cèl : espaci de vida e de creacion. Entre concèrt e musica per dançar. Podètz elegir.
Vaqui çò que ne ditz, Joan-Miquèl Poisson :
« Garric utilisa la tradicion : la lenga d’òc e qualques instruments coma : acordeon, charango, calamèl, flaüta
Solide, Garric se bota al servici de las danças tradicionalas, amb un mescladís de rigor e de malicieta.
Çaquelà las composicions d’aqueste grop inclassable son actualas. Son la sintèsi de plan d’influéncias que ligan passat e present. Composicions de las nautas ont sèm totjorn preses al jòc de l’estabosiment, a contrapè de l’inatendut.
De composicions pesugas ont la bassa de la batariá tusta sec.
De composicions requistas (come dentèla) ont lo soprano se garrolha amb l’acordeon.
De melodias que nos demòran dins lo cap portadas per un cant que va del mormolh fins a d’esclats tronadisses.
Una votz que trasmet lo messatge umanitari obstinadament.
Aqueste album novèl de Garric es la pròva talament viva que tradicion e evolucion fan un. Es aquò l’intemporalitat. » (escrich en fr. per JM Poisson ; ensag de revirada en òc per Cristina)

Quand tornarà la dança Trad. ? (2)

Quand tornarà la dança Trad. ? (2)

Amb lo grop : Azimuts
Amb Didier se pòt tot dançar…un bonur vertadièr, que languissèm d’o tornar trobar !
« Didier Raffanel et ses accordéons explorent les quatre coins de l’Occitanie, prennent la tangente à l’envie vers les pays celtes, se promènent du côté d’Israël, des « pays de l’est », pour aller finalement se reposer pourquoi pas du côté du Poitou, ou ailleurs…. 

Un répertoire éclectique et modulable pour un bal généraliste émaillé à l’envie de danses d’ici ou de n’importe où, pourvu que le désir, le plaisir, la « convivéncia » soient au rendez-vous 

Pour varier et décupler les plaisirs, des stages d’initiation avec animateurs de talent peuvent être envisagés (Israël,vallées occitanes d’Italie, sud-ouest, bretagne, Généraliste….) »

Bal à Zimuts aux Trad’Hivernales 2019 :
le Vendredi 18 Janvier , Scène Bar Kédèz 1 Bal Limousine – Air traditionnel 2 Valse 3 temps : Le chapeau perdu – Composition Annabel Rixen 3 Polka : Polka du Catus – Composition Simon Doue
https://www.youtube.com/watch?v=Dnq_nGxZO6E

Bal à Zimuts – Groupe de musique trad

Leònia, la mascòta del Blòg

Leònia, la mascòta del Blòg

Vos vau parlar de Leònia, la nòstra mascòta.
Reporter ecologista, acostumada de se passejar sus youtube.
Ara es legitimament ufanosa de sos primièrs passes sus té vè òc.
La poiretz agachar aqui :

https://www.youtube.com/watch?v=GOZyMM9-wjw

« Florença Malafosse, aqüarelista, contaira, ecologista e afogada de las lengas a creat un film d’animacion metent en scèna la vida dels eiriçons vivent dins son òrt. Un biais de transmetre de valors de respièch de la natura, destinadas als joves enfants. D’episòdi en episòdi, la familha de Silvestre se fa bèla, subretot aprèp lo rescontre de Leonia… Per Florença, la causida de l’occitan es justificada per lo demai de poesia que porgís la lenga. Los dessenhs, l’aqüarela e lo conte fòrman un ensemble tant agradiu a l’uèlh coma tocant per son messatge. Un retrach de Miquèla e Patric Lapierre. »

Sa maira artistica, Florença, li donèt la vida. Ara, li fa percórrer los òrts ont encontra totes los animals del canton. Encontrèt ja la blaveta, los passerats, mas sustot Silvestre !!! Un eriç que li agradèt fòrça.
Per tot saupre sus sa vida d’eiriça occitana, vaqui lo ligam pels 8 episòdis :
https://www.leoniemmeherisson.com/isotirias.html

Contes amb : Monica Burg

Contes amb : Monica Burg

Contes amb : « Le théâtre de la Placette* » e la contaira : Monica Burg, del Peirigòrd negre.

Espectacle : « Rien de neuf » ! Monique Burg.
Per ieu, aqueste espectacle, lo dijòus 15 d’abril, sus internet, mercé al teatre de la Placette, foguèt un plaser vertadièr, una mena de parentèsi, dins una vida sens moments culturals. Ai pas ges enveja de passar ma vida culturala, davant l’ordenador … Mas per Monica Burg ! Me planhi pas !
La fèsta del villatge ! Lo caval del Drac ! Lo coston elbow ! La maquina de lavar ! e los cants !

Totjorn caustica, mas tanben tendra e ferotja. Es descapanta. Perque a un vejaire societal agusat e que pega a la realitat. Aimi fòrça son umor, que fa tan de ben.
Per la mièlhs conèisser : un reportatge de octele, çai dejòs.
https://www.octele.com/Emparaulada-monique-burg_fiche_3870.html
« Es comediana e contaira. Monica Burg es nascuda en Peirigòrd ont i aprenguèt la lenga occitana. Aviá totjorn volgut far de teatre. Se tròba que se n’anèt a Londres ont passèt qualques annadas e ont faguèt una formacion teatrala. Quand s’ entornèt al país son interès per la lenga occitana èra totjorn viu e sa passion pel teatre e pel conte tanben. Conta son caminament dins aquela emission, de sas originas paisanas duscas a son mestièr de comediana-contaira. »

Un extrach de son espectacle :
Extrait du spectacle issu du Festival du Conte en Périgord Noir, Lébérou 2011, Plazac, Avec Monique Burg et son spectacle « Un Village sans Histoire ».
https://www.youtube.com/watch?v=JjJ-GXwphg0

Per coneisser los contaires e artistas actuals, cal tornar veire lo Viure Al Pais, del 18 d’abril 2021.
I trobaretz la còla de Sirventès : Ives Durand, Florent Mercadier, Malika Verlaguet, Maria Coumes, Arnaud Cance, Monica Burg, …eca eca.
https://france3-regions.francetvinfo.fr/occitanie/emissions/viure-al-pais-0


*Contact : pels espectacles vius
https://petittheatreplacette.wixsite.com/ptpsite
06 34 17 57 56
E un messatge que fa plaser, sustot actualament :
« Il y a de vraies personnes au bout du fil du téléphone, si vous n’arrivez pas à « visionner » le spectacle, appelez-nous! »
Mercé encara al pichon teatre de la placeta, e a Monica Burg.

Quand tornarà la Dança ? (1, a Puechabon)

Quand tornarà la Dança ? (1, a Puechabon)

Quand tornarà la dança,
A Puechabon,
Quand tornaràn los Balètis,
Amb lo gróp : Biscam pas,

http://www.biscam-pas.fr/index.php/biscam-pas

Retrobarem :

  • Felip a la bodèga, a l’autbòi, lo graile,….
  • Maria a l’accordeon.

  1. Retrobarem los talhièrs de dança, benlèu :
    – Amb Renat ?
    La Correnta de las Valadas occitanas italianas…
    – Amb Catarina ?
    Viatjarem en Israèl. Dejós los palmièrs, anarem amassa, posar l’aiga…
    http://www.youtube.com/watch?v=F0HDKA3IaKs
    – O d’autres animators ?

2. Lo repais partejat :
Aprèp los talhièrs : la pausa pel repais partejat !
Es agradiu de se pausar totes, a l’entorn d’una taulejada, e de partejar, la mangiscla e los mots. Vertadièra farandòla de plats salats, sucrats, que tòrnan per èsser tastats ; escambis de recèptas…un bon moment de charradissa. De botelhas, de las bonas, per acompanhar.
Puèi, pauc a chapauc, lo mond arriban, siá en grop, o per un, o per dos. Prènon un gòt o un bocin de quicòm mai, abans lo grand recapte, qu’anόncia l’ora del balèti !

3. Lo balèti :
L’autbòi de Felip, coma lo del Mèstre Albarèda de Max Roqueta, qu’èra capable de far dançar emai lo diable ; acompanhat per Maria a l’acordeon, menarà las borrèias : la crosada, la borrèia planièra, las grandas terralhas…

https://www.youtube.com/watch?v=petpQwMaeq8

Mas tanben totas menas de danças tradicionalas : polkas, cèrcles, escottishas, valsas, tarantèlas, mazurkas, rondèus, … danças d’aquí o d’endacòm mai…e mai de luènh !

http://www.biscam-pas.fr/index.php/extraits-musicaux-bal-trad

Lo mond dels talhièrs qu’an repetit pendent la tantossada, van far tot çò que pòdon per ajudar los autres a se despatolhar amb de novèlas danças. Evidentament amb fin finala, un molon de cacalasses !
E fins a mièja-nuèch seràn de mans tendudas, de sorrires, de rires partejats, lo buf de l’un, lo tocar amistós de l’autre, l’ajuda de totes, una mena de paratge dins un ambient musical, que nos liga dins una meteissa e sola pulsacion umana, ont i a la circulacion d’una energia collectiva que fa de ben.
Se cal viure tot aquò per comprene.

Qualqu’un que ne parla plan es Eric Fraj :
Lo bal, qu’es aquò ?

https://www.youtube.com/watch?v=jH8QbXdvNuk

Puèi serà ja l’ora de se  desseparar, 5 oras après, de mercejar los dos musicaires e de lor demandar, :
Quand tornarem dançar a Puechabon ?  (Vos desiri a totes, un meteis bonur ! E, grandmercé als nòstres dos musicaires de tria !)

Retorn sus legida : Serge Tisseron

Retorn sus legida : Serge Tisseron

E vaqui mon retorn de legida, sul darrièr libre de Serge Tisseron : « Le jour où mon robot m’aimera »


Evidentament, coma lo ditz Mr Tisseron : « Mon robòt m’aimarà pas jamai ; mas ieu, o poiriái creire !» E alara mas relacions als autres umans serián pas las meteissas.
Dins una video, Serge Tisseron nos parla de robòts actuals que donan de grands servicis dins d’espitals ; al prèp d’ainats, e de malauts.


Mas i a totjorn de problemas etics de resòlvre.
Los grands riscs :  

  1. Ganhar en autonomia, çò que perdèm en libertat.
  2. Los risques d’augmentar las inegalitats, en causa del prètz.
  3. La perta d’emplecs, e la necessitat de se formar.
  4. Lor prestar de capacitats qu’an pas : lo còr, las emocions, çò que los vendeires nos faràn creire.
  5. Lo risc de Robòt dependéncia, e doncas de preferir la maquina a l’uman.
  6. Lo risc de la simulacion, amb los umans ; es a dire adaptar lo mòde de foncionament dels robòts als òmes.

Novèls mots : ChatBòt/Charrar  amb un Robòt ; SexBot/Robòt Sexual ; CoBòt/Robòt Collaboratiu.
– Los robòts nos parlaràn un pauc coma s’èran d’enfants, nos pausaràn de questions ; çò que nos farà benlèu creire que son benvolents, atentius, amistoses… ! Non, es sonque lor programacion.
– Caldrà pas doblidar que quand parlam al robòt, parlam pas a la maquina, mas al programator, que la manipula !
– La demanda de Serge Tisseron es la non introducion de robòts terapeutics, mas d’otisses creatius e recreatius. Lo terapeut es l’uman, e non pas lo robòt. Nos cal pas far colhonar amb de reclamas messorguièras.
– Caldriá presentar lo robòt totjorn atudat, e non alucat. Cadun pòt alucar la maquina. Lo robòt es pas autonòm. As sonque l’autonomia que li foguèt donada. Los botons devon èsser accessibles ! E poder s’atudar, sens surpresa, sens simular la pèrta de vida ! Evidentament que tot aquò es intencional per fin que lo robòt siá totjorn alucat, e dona mai d’informacions al programator sul nòstre mòde de vida !
Ditz tanben que li caldriá poder quitar la piuse, per que poscam èsser segur qu’es vertadièrament atudat.
Mercé a Serge Tisseron que nos convida a soscar per botar en plaça una charta etica de la relacion òme/robòt !
– Cal èsser actius e reactius, abans que los industrials deciden de çò que nos vòlon impausar !
La societat de deman serà çò que ne farem.

Una Eriç Repòrter naturalista, quina idèa !

Una Eriç Repòrter naturalista, quina idèa !

Leònia Dona L'Eriç

La natura vos interèssa ? Avètz una curiositat per çò del vivent e de çò que se passa aicí ? Vos propausi una seria de contes un pauc magics mas fòrça documentats. Son de pichòts films illustrats que racontan la vida de Leònia, Dona l’Eriç.

Los episòdis son pensats pels dròlles los dessenhs a l’aquarela son risolièrs e poetics. Plan diferents dels dessenhs animats de la television. Una manièra simple de captar l’atencion e de far descobrir l’ecologia sens pression e leiçons de morala. E vos tanben anatz descobrir un molon de causas.

Lo darrièr episòdi es la rescontre entre Leònia e amb l’amic Peirrot.

Amb Leònia podètz partir a l’aventura dins vòstre jardin o lo parc lo mai pròche. A l’auba o a l’entrelutz benlèu qu’encontraretz un eriç. Aqueste animal inofensiu es lo signe que la natura es respectada. Pas de pesticidis e autres produches chimics que tuan tot çò que los tocan. Es tanben lo signe que lo costat salvatge de la natura es un pauc respectada perque per qu’un eriç s’installa cal trobar d’endreches per s’escondre la jornada.

Existís set episòdis per lo moment. Dempuèi la debuta avèm descobèrt la vida de l’eriç mas tanben cossí se passa la vida de la blaveta e lo darrièr episòdi nos dona l’escasença d’aprene un molon de causas sul passerat (la tematica es pas agotada). Totes los episòdis son visibles sus Istorias de eriç o la cadena youtube.

Seguir sus lo ret

Còma tot lo mond parla pas la lengua (e òc es possible 0_0!), Leònia Dona l’Eriç existís tanben en francés e se sona «Léonie Mme Hérisson».

Per reçebre de novèlas de las aventuras de Leònia, vos conselhi de vos inscriure sus la lista de difusion per «la Gazetta de Leònia» (en francés per lo moment) mas quand i aurà 20 occitanistas farai la revirada ;-). Seretz pas inondats per los messatges, n’i a un cada còp que sortís un episòdis… es pas cada mes ! (malurosament).

Un reportage de Michèle et Patrick Lapierre.

Un reportage de Michèle et Patrick Lapierre.

Uei, lei consomators cèrcan de produchs sans e autentics. Lo mèu e lei produchs de la brusc marcan totjorn ben, maugrat l’importacion de produchs farlabicats. E mai se l’apicultura beneficia d’un interès dau public, totjorn mai nombrós dins lei formacions, la subrevivença deis abelhas demòra menaçada per lei cambiaments de l’environament e lei pollucions divèrsas. Nautrei vos convidam en cò d’un abelhaire que seguirèm l’òbra lòng d’una sason.

Mercé a : Té Vè òc

http://www.teveoc.com/pages/produccions/emission.html