Romain Rodriguez, es lo creator d’aquesta installacion, e es afogat de grèpias, dempuèi l’enfança.Cada an un novèl tèma e doncas una novèla disposicion.Dins la glèisa de Comps (30), sus 100 m2, recep de milierats de visitaires per an.Son siti : https://www.lacrecheprovencaledecomps.com/ Veire lo nòstre article sul blòg : escambisenoc.org, que data de 2021.https://escambisenoc.org/2021/12/15/las-grepias/
(Mercé a Chantal, per son tèxte e per las fòtos.) Coma cada annada, sèm anats a la passejada de las sopas , lo dimenge 5 d’octobre, a « las Rivas » Foguèrem un centenat de passejaires. A l’arribada qualqu’un nos ofris una sopa per nos desirar la benvenguda. Puèi, partissèm suls caminòls en seguissent lo guida que portava la bandièra de l’Occitania. Pendent la passajada la contaira Malika nos contèt de contes e abans de començar, i aviá totjorn una devinalha. Al…
Dins lo cèl de ma boca, explosion de sabors, qu’espelisson.Me menan, al mai prigond, dins lo fins fons, d’un bòsc luminós.Prèp de la mandra rossela, abrigada, jos un romegàs d’amoras.Granas, que cabussaràn, fins finala, dins lo cauderon coirat.Ailà se tresmudaràn, en una chucosa golardisa : la confitura d’amoras !(Cristina)
Un « Repair Café » qu’es aquò ? Tre l’acuèlh cal emplir una ficha concernant la persona proprietari de l’objècte en pana, que foguèt menat. Puèi una autra persona pren l’objècte, lo pesa, e fa son inscripcion sul panèl. Un numèro de passatge li es atribuit. Son pes es inscrich sus la ficha numerotada. Aicí lo talhièr de reparacion d’una bicicleta.A cada còp qu’una reparacion es acabada, se sona una campaneta e d’aplaudiments fusan. Sorires assegurats per totes. E un objècte de…
Pendent las vacanças…(febrièr 2025)Pendent las vacanças, cal ocupar los felens (los « Chic’Of* »)Paraulas del felen abans son despart en vacanças, en çò de sa menina :« Mamà, sabes que menina Cristina a totjorn de bonas idèas per nos far far de novèlas causas… » Idèa de talhièr : Material : fuelhas, brasons (atudats e refrejats), davantals, pelhons, Cadun fa son òbra, dins son canton…amb son bocin de carbon de fusta. (Çai dessus, l’òbra de menina.) Al retorn, en çò sèu, de…
La Télé Buissonnière que resta a Foish, prepausa de documentaris suls estajants d’Arièja. Vaquí lor darrièr. Trantalhetz pas d’anar forfolhar sul lor site, n’i a d’autres que son de veire. Doblidetz pas de daissar un comentari!
Es una mena de tapenada de figas, doncas, mai sucrada. Çò que cal :200 g de figas secas, òli, 2 culhierons de vinagre balsamic,1 pecic de romanin e 1 de frigola,½ culhieron de pebre,150 g d’olivas verdas sens clòsc, 2 grans d’alh, 5 culhierons de noses, 200 g de fromatge fresc. La recèpta :Metre las figas dins l’aiga per las idratar. Metre dins lo robòt las figas, las olivas, lo vinagre, lo romanin, la frigola, lo pebre e l’alh. Mesclar…
Organisada, pel Cercle occitan de Lodeva. Lo despart èra tre la sala polivalenta del Caylar.Lo temps èra marrit, mas l’acuèlh calorós, amb un bòl de sopa de corgetas. Deliciosa e cauda ! Ne vaquí la recèpta :Per 100 personas :13 kg de corgetas,3 kg de patanas,25 tròces d’alh,16 bolhon de galinas,6 kub or,7 l d’aiga,1 bóstia de sant MôretCoire una ora maximum. Mesclar lo tot.Se pòt servir ambe de menta, de coriandre, o de baselic. Puèi es l’ora del despart de la tropa…
(Article de Josie)Cada annada, la fèsta de mon vilatge se debana a l’entorn del quinze d’agost, aquela jornada essent tradicionalament la jornada organisada per la comuna.Las manifestacions taurinas, corsas camarguencas, se debanan sul plan del castèl bastit al sègle XVII.Aquel plan foguèt retengut per una inscripcion sus l’inventari suplementari dels monuments istorics en 2003, proteccion dels monuments presentant un interès remarcable a l’escala regionala.Aubaï es l’unica vila de França amb d’arenas mobilas. Son plaçadas cada annada per la fèsta votiva…
Los 14 e 15 de setembre 2024 Aquela fèsta es associada al concors del lector del Val*:* « En seguida al nòstre concors de novèlas de l’ivèrn passat, vos convidam a venir descobrir lo recuèlh e lo CD qu’ara venon d’èsser editats jol títol : Coups de théâtre à la ferme / Còps de teatre a la bòrda.Rendètz-vos la dimenjada dels 14 e 15 de setembre a Aurevila (31) (presentacion oficiala del concors lo dimenge a 11:45),Dins l’encastre de las animacions del…