Las recèptas de cosina d’Alan (2)
Anchòias au vinagre (Anchois au vinaigre)
Bonjorn en totei, aqueste matin aviáu crompat d’anchòias au mercat de Nimes. Pensave lei faire au sau, mai mon peissonièr m’a convidat de lei faire au vinagre …
La recèpta : tirar lei fielats, botar de costat lei tripas e testas. Dins una sieta recubrir lei fielats de vinagre de vin roge de 7 o 8 gras (degrés) o autra possibilitat recubrir d’una marinada d’òli, un chuc de citron e un pauc d’alhet. Lei botar al frigò. Au bot (cap) d’una ora se pòdon manjar mai es melhor d’esperar l’endeman. Devon aver une color blanca se son cueches come cau. Escolar (égoutter), se pòt metre dessús una rajada d’òli d’oliva de bona, de jovert (persil), e toteis autras espiçias que volètz. Vaquí es facil, ja es lèst. Ara, anatz vos en congostar sus una lesca (tranche) de bon pan grasilhat (grillé), amé una ensalada e un rosat de Provença o un bon vin blanc de la cava dei vinhairons de Bordic, AOP Ducat d’Usès dins Gard (30) Un regale !
Alain Lloria « La còla de las istòrias en òc »
Traparètz una version del tèxt en grafia Mistralenca en clicant sul ligam çai aprèp:
La recèpta
2 réflexions sur « Las recèptas de cosina d’Alan (2) »
Las recèptas d’Alan, òsca per aquela de las anchòias, simpla mas tras que bona!
Veici la reviraduro en prouvençau mistralen :
La recèto
Tira li fiela, bouta de cousta li tripo e li testo. Dins uno sieto, recurbi li fiela de vinaigre de vin rouje de 7 ò 8 grat ò, autre poussibilta, recubri d’uno marinado d’òli,un fiéu de citroun e un pau d’aiet. Li bouta au frigo. Au bout d’un’ ouro,se podon manja, mai es meiou d’espera lou lendeman. Devon avé uno coulour blanco se soun cue coume fau. Esgouta, se pòu metre dessus uno rasado d’òli d’óulivo di boni, de juvert e touti autre espèci que voulès. Vaqui, es eisa, es adeja lèu. Aro, anas vous en cougousta sus uno lesco de boun pan grasiha, amé un’ ensalado e de claret de Prouvenço ò de boun vin blanc de la cavo di vigneiroun de Bourdic dins lou Gard. Un chale !