Lo fial d’Ariana…Bilheran

Lo fial d’Ariana…Bilheran

Retorn sus mas legidas e visionatges de videòs, pendent la COVID… entre 2020 e 2022.
– Ai descobèrt  Ariane Bilheran dins lo film tant descridat que se sonava : « Hold up », en 2020.
Qué que se ne pense d’aqueste film, Ariana me donèt enveja de legir sos libres.
– Es una especialista que destricota e analiza amb seriós e competéncia, tot çò que se debanèt dins la nòstra societat, pendent la COVID 19, fins ara. S’apièja sovent suls ancians filosòfes de l’Antiquitat, e sul passat, per mièlhs esclairar lo present !
Ariana Bilheran es diplomada de l’escòla normala superiora, psicològa cliniciana, doctora en psicopatologia, e filosòfa. Especialista de la psicologia del poder, a fach de conferéncias sus la paranoïa, l’empresa, lo secutament, la manipulacion e l’autoritat.

Ai començat pel sol libre d’ela qu’èra dins la mediatèca de mon canton : « Manipulacion. La dessobtar, se’n aparar. Editat en : 2013.
M’agradèt fòrça. M’esclairèt sus tot çò que se debanava dins los mèdias e cossí èrem manipulats.
Cal saupre que 6 Miliardaris possedisson en França, 90% dels medias. Dins lo mond es quasiment çò meteis. Doncas l’informacion dels medias es assubjectida a lors financials.
Per trobar una informacion fisable, cal doncas ciblar los medias independents al nivèl financial, e de jornalistas que fan vertadièrament lor mestièr, e que sián pas assubjectits a la Doxa.

Pendent tot lo confinhament, son acompanhament pels libres e videòs foguèt important per ieu. Pas a pas, nos dobrís los uelhs.
A editat tota mena de libres : los que nos fan de ben, dins los moments pesucs de la vida, e los que nos explican lo marrit foncionament de l’autoritat!

Lèu-lèu, me soi demandada quines èran los vertadièrs complotistes ?

Soyez solaire : Cossí èsser una personalitat solara,  dardalhanta, e far lo ben a l’entorn de se. Aquestas personas an un solide poder sus elas e an pas besonh de lo practicar sus d’autres per se sentir existir. Podèm totes tornar venir mai solaris.

         Psychopathologie de l’autorité i : una interrogacion sus la legitimitat del poder sus se e suls autres, çò qu’es l’autoritat al mièg d’un grop, d’una institucion e sa foncion civilizatritz e umanisanta.

          Psychopathologie de la paranoïa :
« Folia raisonanta » tant que fascinanta, engimba un mond  illusòri e exercís una empresa contagiosa.

Tre la debuta nos explicitèt lo foncionamet del regim totalitari que s’apièja sus las malautias mentalas :
la paranòia que s’apièja sus la persecucion (cal trobar un enemic interior o exterior : foguèt lo virus, a la debuta ; puèi lo non vaccinat, !) Dins aqueste deliri paranòiac, cal secutar l’enemic, perque es censat persecutir !
La terror e l’empatia son los dos motors d’aqueste foncionament.
Lo secutament es lo mejan per obténer dels individús çò que poirián pas donar sens que siagan secutats.

La psicòsis paronoiac es lo deliri de persecucion. La mesfisança de totes contra totes !
L’individú es considerat coma un mejan, per obténer una finalitat, e doncas, deven possible de lo sacrificar ! Amb en mai l’intencion de portar tòrt.
Question : Mas alara, los complotistas vertadièrs serián los paranoiacs al poder ?
L’agenda transumanista es pas jamai sortita del nazisme. Es la meteissa concepcion del mond.
la perversion tòca tanben los que s’enriquisson sus las crisis.
E i a una contagion del deliri.

Intervencion d’Ariana sul Totalitarisme :
https://vk.com/wall633385322_190

Lo libre seguent :                                                                     
Se sentir en sécurité

Cossí se fargar un niu mofle, ont s’afortir, se centrar en se.
Es mai qu’important a l’ora d’ara e pel nòstre avenidor.

Mon darrièr libre d’ela que legiguèri : le débat interdit/Lengatge, COVID e totalitarisme, escrich amb Vincent Pavan (matematician).

L’ataca de la lenga es una arma de destruccion massiva de totas las valors, al punt que l’òme renóncia pauc a cha pauc a son liure arbitri e a son umanitat.
La novèla utopia es tant deliranta coma megalomaniaca : eradicar los viruses de la Tèrra per mièlhs protegir l’espècia umana dels dangièrs que la menaçarián !

Ne’n parlan aquí totes dos :

E per acabar mon prepaus , nos devèm preparar :
Qualas son las principalas caracteristicas de las personas susceptiblas de participar activament al fenomèn totalitari ?
Quales son los perfiles de las que son, al contrari ,  en mesura de li resistir ?
 « Seuls 3 types de profils résistent au déferlement totalitaire »
Sas responsas :

Per ne’n saupre mai, lo ligam de son siti :
https://www.arianebilheran.com/


Laisser un commentaire

Votre adresse e-mail ne sera pas publiée.

trois × un =