« Martror » festeja los mòrts
Un grandmercé a l’associacion : « los amics de la Baragonha », de Sant Cristòu, 34400, qu’encara un còp nos farguèron un bon biais de festejar las tradicions !Lo divendres 28 d’octobre 2022 : Quina polida serada !En aqueste moment, solstici d’ivèrn, se torna trobar entre vius e mòrts, (luènh d’un Halloween, òrre, fòrça tròp comercial e americanizat), es un bonaür vertadièr ! Tradicions, teatre, contes, mangisca, bon vin, e occitan foguèron pas doblidats.Tre la debuta, lo despart, al domeni : « Cante vinha », amb lo gòt de l’amistat,…
Devinalha 23
Blanc coma un lençòlNegre coma un pairòlTrepa coma muòlDe qu’es, de Qu’es?Pichòta ajuda : es un aucèl! Per la soluccion clicar aicí: soluccion
Malafacha
La Malafacha (Ròsa) Lo rambalh qu’avián fach desrevelhèt lo vièlh. Èra pas aimable de costuma alara ongan, de que se podiá passar? La malafacha èra pas tan grèva, mas per el ? De que avián fach dins l’ombrina de la serada. A la debuta s’embestiavan, landravan d’un costat a l’autre, sens saber ont anar. Puèi lo Silvan arrivèt. Aviá totjorn una idèa que li passava pel cap s’encabanava. Èran totes sul truc a costat de l’ostal del vièlh qu’anava al…
« Tissós », es lo mot per Novembre
Lo Talhièr d’escritura contunha… S’agís de fargar un tèxt jos la fòrma que vos interèssa lo mai : pròsa, poèma, teatre, asenada, devinalha,…Un bon biais per trabalhar la lenga. Mandar lo tèxt per email,a : bonjorn@escambisenoc.org, amb la vòstra adreiça email, e las informacions complementàrias seguiràn.
La vida es un camin … (Poèma)
La vida es un camin… Ai perdut ma mitat,Mon òme es partit lo primièr,Drech !Dins sa mòrt, coma dins sa vida.E ieu soi tòrta !Cerquí son alma,Sa preséncia m’entorneja,Entre perfum de seringat e de ròsas ancianas.Ma camba drecha lisa,Sul camin de ma vida,Cerquí mon equilibri,Entre cròças e estèla.Soi tòrta,Ma bequilha dins una man, lo pichon felen dins l’autra.Trantalhi,Entre lo bonur del solelh levant,E lo tristum del solelh còlc. (Cristina : 16/10/2022)
La Petanca celèsta
Quand partiguèt la fusada al mes de Novembre 2021 s’agissiá pas de se mancar, de far la « masanca* », coma o disiam a la petanca d’un (o d’una) tiraire que mancava las bòchas que non pus, que t’auriá pas desquilhat un ase dins un corredor. Non, s’agissiá pas tanpauc de tirar a rabaleta, de portar la bòcha o de venir docetament tetar lo lé! L’amira èra de tustar plen fèrre, de quichar un carrèu a 11 millions de Km de la…
Canta Grelet !
Contarà pas pus lo Grelet de mon còr… Ton alma, ton vam, son partits.Ai pena d’i creire.Alzheimer lo crudèl es passat.Contaràn pas pus amassa : « Las doas Cricris de la garriga. »Lo Crudèl a ganhat !Per qué ? En causa de qué ? De qui ?Cerqui e tròbi pas ges las responsas.Ta creativitat, ton imagination se son apagadas.Mas coma ditz ton òme, lo Joël :« Ta memòria se n’es anada barrutlar dins los puèges de la garriga.Mas ton talent s’atudarà pas ».Nos demòran tas òbras, coma de tresaurs, per…
« Canhòt », talhièr d’escritura per Setembre
« E qu’es aquò? qu’es aquò? » (Florença) Èri tranquilament assetada sul banc situat a qualques metres de l’ostal. Lo darrièr de ma passejada. Demòri dins un vilatge ont i a encara d’atencions pels vièls que pòdon pas mai caminar. De bancs amb de punts de vista de tria pròches los uns dels autres per s’assetar sovent. Aquestes me permeton de far ma sortida jornalièra. A cada pauseta vesi la val, los castanhièrs, los bancèls e las amassadas alunhadas.Tot mon passat es…
Devinalha 22
Ne vaquí tres per lo pretz d’una (sacat de Contes de Gasconha de Joan-Francés Bladèr) Lo Gojat e la Grand Bèstia del cap d’Òme. Vaquí las tres questions que pausa la Grand Bèstia: Va mai lèu que los aucèls, mai lèu que lo vent, mai lèu qu’un lambret, de qu’es de qu’es? Lo fraire es blanc, la sòrre es negra. Cada matin, lo fraire tua la sòrre. Cada ser la sòrre tua lo fraire. Ça que la morisson pas jamai….